Crackdown continues against electricity, gas theft and fake medicines FIA

بجلی, گیس چوری اور جعلی ادویات کے خلاف کریک ڈاون جاری

وفاقی وزیر داخلہ کے احکامات کی روشنی میں بجلی و گیس چوری اور جعلی ادویات کی فروخت میں ملوث عناصر کے خلاف کریک ڈاون جاری ہے۔ ایف آئی اے پشاور زون کی 17 چھاپہ مار کاروائیاں، جعلی ادویات کی فروخت میں ملوث عناصر کے خلاف 9 انکوائریاں درج کر لی گئی۔ جبکہ بجلی و گیس چوری میں ملوث عناصر کے خلاف 8 مقدمات درج کر لئے گئے۔ چھاپہ مار کاروائیاں کمپوزیٹ سرکل ایبٹ آباد ، اینٹی کرپشن سرکل پشاور اور  کمپوزٹ سرکل مردان کی جانب سے کی گئی۔

ابتدائی تفتیش کے مطابق ملزمان اپنی دکانوں، گھروں ، ٹیوب ویل اور دفاتر پر مین لائن سے براہِ راست بجلی وگیس فراہم کی جا رہی تھی۔ چھاپہ مار کاروائیاں رنگ روڈ پشاور ، تخت بائی مردان ، چار سدہ روڈ پشاور ، فیز 3 حیات آباد پر کی گئیں۔ کاروائیوں میں پیسکو اور ایس این جی پی ایل نے حکام نے موقع پر غیر قانونی کنکشنز منقطع کر دئیے۔ غیر قانونی بجلی کی فراہمی کے لیے استعمال ہونے والی کیبل اور دیگر سامان کو بھی ضبط کر لیا۔ بجلی وگیس چوری سے قومی خزانے کو لاکھوں روپے کا نقصان ہو رہا تھا۔ سرکاری دفاتر میں انسپکشن کے دوران حیات آباد پولیس اسٹیشن اور سپورٹس کمپلیکس کے ذمہ لاکھوں روپے مالیت کے واجبات واجب الادا ہیں۔ ڈی ایس پی آفس حیات آباد کے ذمہ 13 لاکھ 25 ہزار سے زائد جبکہ سپورٹس کمپلیکس کے ذمہ مجموعی طور پر 21 لاکھ روپے کے واجبات واجب الادا ہیں۔ متعلقہ دفاتر کو ایک ہفتے کے دوران واجبات ادا کرنے کا نوٹس جاری کردگئی ہے۔

جعلی ادویات کی فروخت میں ملوث 8 میڈیکل سٹوز پر کاروائیاں کی گئی۔ چھاپہ مار کاروائیاں نیو کلے رستم مردان ، کتاخت بخشالی مردان ،نساتہ روڈ مردان نیو کلے تورو مردان ، افغان کیمپ ہری پور اور سرکلر روڈ ہری پور پر واقع میڈیکل سٹورز پر کی گئیں۔ چھاپوں کے دوران جعلی ادویات اور انجیکشن کے سیمپلز حاصل کر کے ڈریپ حکام کے حوالے کر دیئے گئے۔ ڈریپ حکام کی رپورٹ کی روشنی میں مزید قانونی کاروائی عمل میں لائی جائے گی۔ ایف آئی اے کی جانب سے تمام سرکلز میں خصوصی چھاپہ مار ٹیمیں تشکیل دے دی گئی ہیں۔ بجلی و گیس چوری اور جعلی ادویات کی فروخت میں ملوث عناصر کے خلاف گھیرا تنگ کیا جا رہا ہے۔ چھاپہ مار ٹیمیں متعلقہ حکام کے ساتھ مشترکہ کاروائیاں کر رہی ہیں۔ ملزمان کی گرفتاری کے لئے تمام تر وسائل کو بروئے کار لایا جا رہا ہے۔

large consignment of fake medicines was seized from a courier company

کورئیر کمپنی سے جعلی ادویات کی بڑی کھیپ پکڑی گئی

کورئیر کمپنی سے جعلی ادویات کی بڑی کھیپ پکڑی گئی۔ وفاقی وزیر داخلہ کے احکامات کی روشنی میں جعلی ادویات کی فروخت میں ملوث عناصر کے خلاف کریک ڈاون جاری ہے۔ ایف آئی اے پشاور زون کی بڑی کاروائیوں میں جعلی ادویات کی فروخت میں ملوث عناصر کے خلاف 8 چھاپہ مار کاروائیاں کی گئیں۔ چھاپوں میں 2 ملزمان گرفتار – 7 انکوائریاں بھی درج کر لئی گئی۔ چھاپہ مار کاروائیاں اینٹی کرپشن سرکل پشاور، کمپوزیٹ سرکل مردان اور ایبٹ آباد کی جانب سے کی گئی۔ رنگ روڈ پشاور میں واقع نجی کورئیر کمپنی کے آفس سے مشتبہ غیر رجسٹرڈ ادویات کی بڑی کھیپ برآمد کی گئی۔ لاکھوں مالیت ادویات کے 50 سے زائد کارٹن سیز کر دیئے گئے۔ برآمد ہونے والی ادویات میں اینٹی بائیوٹک اور معدے سے متعلق ادویات اور انجیکشن شامل ہیں۔ مشتبہ ادویات کو ڈریپ حکام کے حوالے کر دیا گیا۔

ایک اور کاروائی میں اینٹی کرپشن سرکل پشاور نے جعلی ادویات کی فروخت میں ملوث 2 ملزمان کو گرفتار کر لیا۔ گرفتار ملزمان میں امتیاز اور محمد علی شامل ہیں۔ ملزمان کے خلاف اینٹی کرپشن پشاور میں مقدمہ درج تھا۔ کمپوزٹ سرکل ایبٹ آباد نے جعلی ادویات میں ملوث عناصر کے خلاف 4 چھاپہ مار کاروائیاں کیں۔ چھاپہ مار کاروائیاں ایبٹ آباد کے علاقے تھاکوٹ میں واقع مختلف میڈیکل سٹورز میں کی گئی۔ میڈیکل سٹورز سے بڑی تعداد میں جعلی اور غیر رجسٹرڈ ادویات برآمد کی گئیں۔ کمپوزٹ سرکل مردان نے جعلی ادویات میں ملوث 2 چھاپہ مار کاروائیاں کیں۔ چھاپہ مار کاروائیاں مردان کے علاقے بخشالی روڈ اور جرنل چوک تورو میں واقع مختلف میڈیکل سٹورز میں کی گئی۔ چھاپوں کے دوران ملزمان کے قبضے سے بڑی تعداد میں جعلی اور غیر رجسٹرڈ ادویات برآمد کی گئی۔ مذکورہ ادویات کو ڈریپ حکام کے حوالے کر دیا گیا۔ ڈریپ حکام نے موقع پر جعلی اور غیر رجسٹرڈ ادویات سیل کر کے لیبارٹری بھجوا دی۔ ملزمان کے خلاف انکوائریاں درج کر لی گئی۔ ڈریپ حکام کی رپورٹ کی روشنی میں ملزمان کے خلاف مقدمات درج کئے جائیں گے اور گرفتاریاں عمل میں لائی جائے گی۔

ایف آئی اے پشاور زون کی جانب سے تمام سرکلز میں خصوصی چھاپہ مار ٹیمیں تشکیل دے دی گئی ہیں۔ جعلی اور غیر رجسٹرڈ ادویات کی فروخت میں ملوث عناصر کے خلاف گھیرا تنگ کیا جا رہا ہے۔ چھاپہ مار ٹیمیں ڈریپ حکام کے ساتھ مشترکہ کاروائیاں کر رہی ہیں۔ ملزمان کی گرفتاری کے لئے تمام تر وسائل کو بروئے کار لایا جا رہا ہے۔

EID

عید الفطر: رویت ہلال کمیٹی کا اجلاس 9 اپریل کو طلب

عید الفطر کا چاند دیکھنے کے لئے مرکزی رویت ہلال کمیٹی کا اجلاس 9 اپریل کو اسلام آباد میں طلب کر لیا گیا۔ چیئرمین رویت ہلال کمیٹی مولانا عبدالخبیر آزاد کی سربراہی میں وزارت مذہبی امور اجلاس ہو گا۔ اجلاس میں شوال کا چاند دیکھنے کی شہادتیں وصول کی جائیں گی۔ کمیٹی ممبران، محکمہ موسمیات، سپارکو اور سائنس و ٹیکنالوجی حکام اجلاس میں شریک ہوں گے۔ جبکہ زونل رویت ہلال کمیٹیوں کے اجلاس مقررہ مقامات پر ہوں گے۔

Drug Free Peshawar Campaign

نشے سے پاک پشاور مہم کا دوبارہ آغاز

صوبائی حکومت کی خصوصی ہدایات کمشنر پشاور ڈویژن ریاض خان محسود نے چارج سنبھالتے ہی نشے سے پاک پشاور مہم کے دوبارہ آغاز کے لئے اجلاس طلب کر لیا۔ تفصیلات کے مطابق کمشنر پشاور ڈویژن ریاض خان محسود نے  چارج سنبھالتے ہی نشے سے پاک پشاور مہم کے دوبارہ آغاز کے لئے اجلاس آج 4 اپریل بروز جمعرات دوپہر 12 بجے طلب کر لیا۔ اجلاس میں سیکرٹری سوشل ویلفیئر،سیکرٹری ایکسائز اینڈ ٹیکنیشن، ایس ایس پی آپریشنز پشاور، ڈائریکٹر جنرل ایکسائز اینڈٹیکنیشن، پشاور ڈویژن کے تمام پانچوں اضلاع کے ڈپٹی کمشنرز ، ڈائریکٹر انفارمیشن، ڈسٹرکٹ ہیلتھ آفیسر پشاور، ڈسٹرکٹ آفیسر سوشل ویلفیئر ڈیپارٹمنٹ اور سرکاری اور نجی بحالی مراکز کے منتظمین کو طلب کیا گیا ہے۔ اجلاس میں نشے سے پاک پشاور مہم کے دوبارہ آغاز کے لئے پشاور کی سڑکوں پر موجود نشے کے عادی افراد کی تعداد اور ان کو بحالی مراکز میں منتقلی بارے حکمت عملی وضع کی جائے گی اور اس سلسلے میں تجاویز بھی طلب کی جائے گی۔

واضح رہے کہ سابقہ دور حکومت میں کمشنر پشاور ڈویژن ریاض خان محسود کی زیر نگرانی اپنی نوعیت کے پہلے نشے سے پاک پشاور مہم کے دوران تقریبا 5 ہزار نشے کے عادی افراد کو تحویل میں لیکر علاج کے لیے بحالی مراکز منتقل کیا گیا تھا۔ کامیاب مہم کو پاکستان اور عالمی سطح پر زبردست پذیرائی حاصل ہوئی تھی عوام کی جانب سے مہم دوبارہ شروع کرنے کے پرزور مطالبے اور نشے کے عادی افراد میں بےتحاشا اضافے کے پیش نظر مہم کے دوبارہ آغاز کا فیصلہ کیا گیا

Inauguration of Private Bank in Tirah Maidan

تیراہ میدان میں نجی بینک کا افتتاح، عوام اور تاجروں کے لیے خوشی کی خبر

باڑہ۔ علاقے میں شرپسند عناصر امن و امان خراب کرنے میں کامیاب نہیں ہوں گے، وادی تیراہ میدان کی تعمیر و ترقی کے لیے فوج اور عوام اکٹھے کام کر رہے ہیں ، فوج اور عوام ایک ہے، جس علاقے میں بینک آ جاتا وہاں ترقی شروع ہو جاتی ہے، وادی تیراہ میدان کے عوام اور تاجروں کے مسائل ترجیحی بنیادوں پر حل کر رہے ہیں۔ ان خیالات کا اظہار 5 بلوچ کے کرنل حافظ رفیق نے وادی تیراہ میدان باغ مرکز میں نجی بینک(بینک الحبیب لمیٹڈ) کی افتتاحی تقریب کے موقع پر شرکاء سے خطاب کرتے ہوئے کیا، تقریب کے موقع پر مہمان خصوصی 5 بلوچ کے کرنل حافظ رفیق سمیت بینک منیجر محمد ظہور ، ایس ایچ او تھانہ تیراہ سید خان اور تیراہ تاجر برادری کے صدر حاجی شیر محمد آفریدی سمیت تاجروں اور عوام نے کثیر تعداد میں شرکت کی۔
شرکاء سے خطاب کرتے ہوئے کرنل حافظ رفیق نے کہا کہ باغ بازار میں بینک آنا ترقی کا پہلا قدم ہے، اب مزید بینکوں کے برانچ کھولنا شروع ہو جائے گے، انہوں نے کہا کہ وادی تیراہ میدان کی اجتماعی آباد کاری کے لئے تمام تر توانائیاں خرچ کر رہے ہیں ، انہوں نے کہا کہ پہلے مرحلے میں وادی تیراہ میدان کے عوام اور تاجروں کی سہولیات کے لیے بینک کا موبائل بینکنگ یونٹ کا آغاز کر دیا گیا ہے، جبکہ جلد ہی بلڈنگ مکمل ہونے پر بینک عملہ مستقل بنیادوں پر کام شروع کریں گے، کرنل حافظ رفیق نے کہا کہ جب سے ہم یہاں آئے ہیں تو تیراہ کے تاجروں اور عوام کے مسائل کے حل کے لیے کام کر رہے ہیں، انہوں نے کہا کہ فوج عوام کے ایک ہیں،
اس موقع پر بینک کے منیجر محمد ظہور نے کہا کہ یہ پہلا موقع ہے کہ ہم نے وادی تیراہ میدان میں اپنے بینک کا برانچ کھول دیا ہے انہوں نے کہا کہ عید قریب ہے لہذا عوام کی سہولت کے لیے موبائل بینکنگ یونٹ باغ بازار میں لایا گیا ہے جس میں عوام اور تاجروں کو ATM سروس سمیت عید کے لیے نئے نوٹ بھی دے رہے ہیں ۔ تیراہ تاجر برادری کے صدر حاجی شیر محمد آفریدی نے کہا کہ اس بینک کا برانچ کھولنے کی وجہ سے ہمارے بازاروں میں تجارتی سرگرمیاں مزید بڑھے گی اور عوام اور تاجروں کو پیسے وصول کرنے اور بھیجنے میں آسانی ہوگی اس موقع پر حاجی شیر محمد آفریدی نے برگیڈیئر 27 بریگیڈ اور 5 بلوچ کے کرنل حافظ رفیق سمیت بینک انتظامیہ اور پولیس انتظامیہ کا بھی شکریہ ادا کیا ۔

Chitral Aziza Gul Winter Sports Festival

دختر چترال عزیزہ گل ونٹر سپورٹس فیسٹیول

حال ہی میں چین میں منعقدہ ایشین گیمز میں پاکستان کی “سنو اسکینگ” میں نمائندگی کرنے والی اسی علاقے (مڈکلشٹ) کی عزیزہ گل کے نام سے تین روزہ سنو سپورٹس کے مقابلے منعقد ہوئے۔پاک فوج اور ڈسٹرکٹ ایڈمنسٹریشن کے تعاون سے یہ تین روزہ فیسٹیول مقامی لوگوں کے تعاون سے منعقد ہوا۔
فیسٹیول کے اخری دن کمانڈنٹ چترال سکاؤٹس بلال جاوید،ڈپٹی کمشنر لوئر چترال محمد عمران یوسفزئی نے خصوصی طور پر شرکت کی۔اس کے علاوہ کرنل قیصر،میجر سلطان،اسسٹنٹ کمشنر دروش اسامہ،ٹی ایم اے کے عملہ،1122 عملہ،اغا خان فاونڈیشن کے ذمہ داران کے علاقے کے عمائدین اور بلدیاتی نمائندوں،سیاحوں اورصحافیوں نے بھی شرکت کی اور پاک فوج کے اس احسن اقدام کو سراہا۔
یاد رہے 23 مارچ کو بھی یوم پاکستان کے موقع پر کمانڈنٹ چترال سکاؤٹس نے عزیزہ گل کو ایک لاکھ روپے کے نقد انعام سے بھی نوازا تھا۔ فیسٹیول کے تیسرے اور اخری روز جیتنے والے کھلاڑیوں جن میں لڑکے اور لڑکیاں شامل تھی کو شیلڈز اور سرٹیفیکیٹس سے نوازا گیا۔ علاقے کے عوام،صحافیوں اور سیاحوں نے اس تین روزہ فیسٹیول میں حصہ لینے والے کھلاڑیوں نے پاک فوج کے اس احسن اقدام کو بھر پور انداز میں سراہا اور خراج تحسین پیش کیا۔سیاحوں اور صحافیوں کا کہنا تھا کہ پاک فوج مصیبت کی ہر گھڑی میں اپنے عوام کے شانہ بشانہ کھڑی ہوتی ہے اور اپنے علاقے میں کھیلوں کے فروغ اور ایسے کھلاڑیوں کی حوصلہ افزائی کا موقع فروگزاشت نہیں کرتی،پاک فوج کے اس اقدام کی وجہ سے علاقے کے عوام میں خوشی کی لہر دوڑ گئی اور پاک فوج زندہ باد کے نعرے لگ گئے۔

  • Chitral Aziza Gul Winter Sports Festival
HBK Peshawar Press Club Sports Gala heading towards the final stage

ایچ بی کے پشاور پریس کلب سپورٹس گالاآخری مرحلے کی جانب گامزن

پشاور پریس کلب میں HBK کے تعاون سے صحافیوں کے لئے منعقدہ رمضان سپورٹس گالا آخری مرحلے کی جانب گامزن ہے۔سپورٹس گالا میں 150 سے زاید صحافیوں کی بھر پور شرکت نے ایونٹ کو رنگین بنادیا۔گزشتہ شب مقابلوں کے مہمان خصوصی ظاہر شاہ طوروصوبائی منسٹر برائے فوڈ تھے اس موقع پر صدر پشاور پریس کلب ارشد عزیز ملک،سابقہ صدر ایم ریاض جنرل سیکرٹری عرفان موسیٰ زئی،سپورٹس رائٹرز ایسوسی ایشن خیبر پختونخوا کے سیکرٹری شاہد افریدی،خیبر یونین آف جرنلسٹس کے جنرل سیکرٹری عمران یوسفزئی، اور چیئرمین سپورٹس کمیٹی عابد خان سمیت کثیر تعداد میں صحافی بھی موجود تھے سپورٹس گالا میں شریک صحافیوں سے خطاب کرتے ہوئے مہمان خصوصی ظاہر شاہ طورو کا کہنا تھا کہ صحافی برادری کے لئے اسطرح کی صحت مندانہ سرگرمیوں کا انعقاد قابل تعریف ہے کیونکہ پشہ ورانہ زمہ داریوں کی وجہ سے صحافیوں کو کھیل کود کے مواقع بہت کم ملتے ہیں ان کا کہنا تھا کہ کھیل ذہنی اور جسمانی نشونما کے لئے بے حد ضروری ہے صحافی کھیلوں کی سرگرمیوں میں بڑھ چڑھ کر حصہ لے،انہوں نے مزیدکہا کہ آج پریس کلب کے اس خوبصورت ماحول کو دیکھ کر خوایش ہے کہ اس طرح کی سپورٹس ایونٹس تمام اداروں میں منعقد ہونی چاہیئے،تقریب سے خطاب کرتے ہوئے صدر پشاور پریس کلب ارشد عزیز ملک نے اس موقع پر کہا کہ حکومت کی صحافیوں کے لئے خدمات کو ہم قدر کی نگاہ سے دیکھتے ہے دوسری جانب رمضان سپورٹس گالا میں گزشتہ شب کھیلے گئے گیمز کے نتائج کے مطابق لڈو مقابلوں میں احتشام بشیر،عمر قیوم،محمد ارشاد،عارف اکرام،مشرف علی،نعیم بابر،سفیر،شاہ فیصل،فرحان خلیل،نادر خواجہ،بلاول ارباب اور منیر نے جبکہ کیرم بورڈ کے ایونٹ میں قادر خان،شہزادہ فہد اور ذوالفقار احمد نے کامیابی حاصل کرلی،اسی طرح بیڈمنٹن ایونٹ کے پہلے میچ میں یاسر علی اور محمد ارشاد نے فرحان خلیل اور حسن کو،ظفر اقبال اورشہزادہ فہد نے کبیر علی اور حسن کو اور فیضان حسین اور طارق محمود نے سجاد حیدر اور ارسلان ٹکر کو شکست دی۔سہیل قلندر کے نام سے منسوب سنوکر کے ایونٹ میں شہزاد رشید نے مدثر،فیضان قزلباش نے عدنان کو،آصف رضا نے حسنین کو اور کاشان اعوان نے کلیم قریشی کو ہرایا۔؎اسی طرح مرحوم نامور صحافی رحیم اللہ یوسفزئی کے نام سے منسوب ٹیبل ٹینس چیمپئن شپ میں بلال آفریدی،آفتاب احمد،عبدالرحمان،زیشان لیاقت اور ابراہیم نے میچز جیت لئے،کیرم بورڈ مقابلوں میں قادر خان،زولفقار اور شہزادہ فہد نے کامیابی حاصل کی۔
واضح رہے کہ سالانہ سپورٹس ایونٹ رمضان سپورٹس گالا میں 150 سے ذائد میل و فیمل صحافی پانچ مختلف گیمز جس میں ٹیبل ٹینس،بیڈ مینٹن،کیرم بورڈ،سنوکر اور لڈو شامل ہیں میں شرکت کررہے ہیں۔

Live weapon firing demonstration of surface-to-air missile by Pakistan Navy

پاک بحریہ کا سرفیس ٹو ایئر میزائل کے لائیو ویپن فائرنگ کا مظاہرہ

پاک بحریہ نے شمالی بحیرہ عرب میں FM-90B سرفیس ٹو ایئر میزائل کے لائیو ویپن فائرنگ (LWF) کے ذریعے جنگی تیاری اور جنگی صلاحیت کا مظاہرہ کیا۔ کمانڈر پاکستان فلیٹ، وائس ایڈمرل محمد فیصل عباسی نے اس موقع پر بطور مہمان خصوصی شرکت کی۔ فائر پاور کے مظاہرے کے دوران، پی این شپ نے فضائی ڈرون کے ہدف کو کامیابی سے نشانہ بنایا جس سے پی این کی جنگی صلاحیت اور جنگی صلاحیت کی تصدیق ہوئی۔ PN کی بڑی میری ٹائم مشق SEA SPARK-2024 کے سمندری مرحلے کے اختتام پر میزائل داغے گئے۔ یہ مشق PN کے آپریشنل منصوبوں کی توثیق اور جنگی تیاریوں کا جائزہ لینے کے لیے کی گئی تھی۔ مہمان خصوصی نے افسران اور جوانوں کے عزم اور پیشہ ورانہ مہارت کو سراہا۔ انہوں نے پاکستان کے سمندری دفاع کو یقینی بنانے اور قومی بحری مفادات کے ہر قیمت پر تحفظ کے لیے پاک بحریہ کے عزم کا اعادہ کیا۔

Safari Tourist Train' from Peshawar Cantt to Attock Khurd

پشاور کینٹ تا اٹک خوردتک ‘سفاری ٹورسٹ ٹرین’ کو چلانے کا فیصلہ

خیبر پختونخواہ بالخصوص پشاور کی عوام اور فیملیزکیلئے ریلوے انتظاميہ پشاور ڈویژن کا شاندار اقدام، ریلوے انتظامیہ پشاورڈویژن کا پشاور کینٹ تا اٹک خوردتک ‘سفاری ٹورسٹ ٹرین’ کو چلانے کا فیصلہ کیا گیا۔ سفاری ٹرین پشاور کینٹ سے اپنے سفر کا آغاز کرے گی جو کہ پشاور سٹی ، نوشہرہ ، جہانگیرہ سے ہوتے ہوئے اٹک خورد تک جائے گی۔ اٹک خورد کا قدیم پل اور ریلوے سٹیشن پر بنایا گیا میوزیم اس سفر کی تاریخی اہمیت میں اضافہ کرتا ہے۔ اس ٹورسٹ ٹرین کا بنیادی مقصد سیاحت کو فروغ دینا اور مسافروں کو ریلوے کے شاندار ورثے سے متعارف کرانا ہے، جو سیاحت کو فروغ میں اہم کردار ادا کر رہا ہے۔ سفر کے دوران، سفاری ٹرین حیر آباد اور اٹک خورد کے ٹنل سے گز کر دریائے سندھ پر پرانے لوہے کے گرڈر پل کو عبور کرتے ہوئے تاریخی ورثہ اٹک خورد تک پہنچے گی۔ سیاحوں کی سہولت کیلئے اٹک خورد میں فوڈ سٹالز بھی لگائیں جائیں گے۔ پشاور کینٹ سے روانگی 14 اپریل کو صبح 9 بجے ہوگی۔

Dry and cold weather in Khyber Pakhtunkhwa Pakistan

تیز ہواؤں،گرج چمک کے ساتھ بارش اور چند مقامات پر ژالہ باری کا امکان

مغربی ہواؤں کا نیا اور ماہ اپریل کا پہلا سلسلہ 2 سے3 اپریل کے دوران ملک کے مختلف علاقوں کو متاثر کرے گا اس دوران تیز ہواؤں آندھی اور گرج چمک کے ساتھ بارش اور چند مقامات پر ژالہ باری کا امکان ہے۔

بلوچستان
2 اپریل شام سے رات کے دوران کوئٹہ، چمن ، پشین ژوب، مسلم باغ، زیارت، قلعہ سیف اللہ، قلعہ عبداللہ،سبی، مستونگ*لورالائی وگردونواح میں بادل بنیں گے کہیں کہیں بوندا باندی یا ہلکی پھلکی بارش ہو سکتی ہے۔ زیادہ تر بادل چھائے رہنے کا امکان ہے۔

خیبرپختونخواہ
2اپریل شام سے 3 اپریل کے دوران بنوں ہنگو کوہاٹ میرانشاہ پارا چنار شمالی وزیرستان درہ آدم خیل پشاور صوابی مردان چارسدہ منگورہ بٹ خیلہ بٹگرام”بونیر دیر سوات مانسہرہ ایبٹ آباد ہری پور ہزارہ تیمر گرہ چترال کہار سمیت بیشتر علاقوں میں تیز ہواؤں آندھی اور گرج چمک کے ساتھ اور کہیں کہیں موسلادھاربارش اور ژالہ باری کا امکان ہے۔

آزاد کشمیر+گلگت
3 اپریل کو آزاد کشمیر اور گلگت کے تمام علاقوں میں کہیں ہلکی تو کہیں موسلادھاربارش اور چند مقامات پر ژالہ باری کا امکان ہے۔

پنجاب/اسلام آباد
3 اپریل کو اسلام آباد راولپنڈی مری اٹک کلر سیداں جہلم گجر خان سہاوا پنڈدادنخان چکوال تلہ گنگ پنڈی گھیب منڈی بہاوالدین کھاریاں گجرات سیالکوٹ گجرانوالہ سرگودھا جھاوریاں خوشاب وادی سون اور تھل کے مختلف علاقوں میں موسم جزوی طور پر ابر آلود رہنے کے علاؤہ بعض مقامات تیز ہواؤں گرج چمک کے ساتھ بارش کا امکان ہے۔ اکا دکا مقامات پر ژالہ باری ہو سکتی ہے۔ اس دوران فیصل آباد چنیوٹ اور لاہور و گردونواح میں بھی چند مقامات پر بارش ہو سکتی ہے۔ یاد رہے سپیل کمزور ہے بیشتر علاقوں میں امکان 50 فیصد رہیں گے۔ ملک کے دیگر علاقوں میں موسم گرم اور خشک رہے گا۔ مزید اپڈیٹ کےلئے ہمارے ساتھ جڑے رہیں