سوات: گزشتہ رات سے ضلع سوات کے بالائی علاقوں ملم جبہ، کالام، گبین جبہ، میاندم و دیگر علاقوں میں برف باری جاری ہے جس کے بعد ڈسٹرکٹ پولیس آفیسر شفیع اللہ خان گنڈاپور نے بالائی علاقوں میں موجود پولیس افسران اور جوانوں کو برفیلی علاقوں میں سڑکوں پر موجود رہنے اور عوام اور سیاحوں کو سیاحتی مقامات پر جانے کے لئے اُن کو ہر ممکن مدد فراہم کرنے کی ہدایت کی جس کے بعد سوات پولیس کے جوانوں نے ملم جبہ، کالام، گبین جبہ و دیگر علاقوں میں پھنسے گاڑیوں کے لئے امدادی سرگرمیاں شروع کردی گئی ہیں۔
برفیلے سیاحتی علاقوں میں آنے والے سیاحوں کی پھنسی ہوئی گاڑیوں کو نکالنے کے لئے سوات پولیس کے جوانان متحرک ہوگئے ۔ برفباری کے دوران ملم جبہ میں پھنسی ہوئی سیاحوں کی گاڑیوں کو نکا لنے میں سوات ٹریفک پولیس کے جوانوں نے بھر پور حصہ لیا اور برف کے وجہ سے پھنسے ہوئے گاڑیوں کو چین لگار کر بحاظت منزل مقصود تک پہنچایا اور ساتھ ہی ساتھ سیاحوں کو آگاہی پیغام بھی پہنچایا گیا۔
ڈسٹرکٹ پولیس آفیسرشفیع اللہ گنڈاپور نےسوات پولیس کے افسران و جوانان کو ہدایات جاری کرتے ہوئے کہا کہ سیاحتی برفیلے علاقوں میں آنے والے سیاحوں کا خاص خیال رکھا جائے اور اُن کے ہر ممکن مدد کی جائے۔انہوں نے سیاحوں کے نام پیغام جاری کرتے ہوئے کہا کہ برفیلی علاقوں میں داخل ہونے سے پہلے اپنے گاڑیوں کو چیک کرائیں اور ساتھ ہی ٹائر چین ضرور استعمال کریں تاکہ کوئی ناخوشگوار واقع رونما نہ ہو۔
کسی بھی ایمرجنسی کے صورت میں ہیلپ لائن 15یا سوات پولیس کنٹرول نمبر 0946881374 پر رابطہ کریں۔
