ضلع ڈیرہ اسماعیل خان میں انسداد پولیو مہم دوسرا روز،ڈی پی او نے سیکیورٹی و دیگر انتظامات کا جائزہ لیا۔
ضلع بھر میں جاری انسداد پولیو مہم کیلئے ڈسٹرکٹ پولیس آفیسر ڈیرہ عبدالرﺅف بابر قیصرانی کی ہدایات پر سخت سیکیورٹی کے انتظامات کئے گئے جن کی براہ راست نگرانی خود ڈی پی او ڈیرہ کررہے ہیں۔
ڈسٹرکٹ ہسپتال اور BHUS سمیت ضلع کے مختلف ناکہ بندی پواینٹس پر تعینات نفری کو چیک کیا۔ڈی پی او کی سیکورٹی پر تعینات جوانوں کو اپنی حفاظت کو مقدم رکھنے اور چوکس رہنے کی ہدایت کی۔انھوں نے مزید کہا کہ موجودہ حالات میں غفلت،لاپرواہی کی کوئی گنجائش ہی نہیں، تمام سرکل ایس ڈی پی اوز اور ایس ایچ اوز کو جوانوں کے سنگ اور سیکیورٹی صورتحال کی چیکنگ کی ہدایات دی اور تمام پولیس نفری کو بریف کیا جائے کہ بلٹ پروف ہلمٹ اور جیکٹ کا استعمال کو یقینی بنائیں۔
