ضلع شمالی وزیرستان : میرانشاہ میں امن و امان کو قائم رکھنے کے لیے ایگل سکواڈ کا افتتاح کردیا گیا۔
ضلعی پولیس سربراہ فرحان خان (پی ایس پی) نے ضلع شمالی وزیرستان حدود تھانہ میرانشاہ میں امن برقرار رکھنے اور جرائم کی روک تھام کے لیے ایس ایچ او میرانشاہ لائق مرجان وزیر کے قیادت میں ایگل سکواڈ کا افتتاح کیا اور سکواڈ کو موٹر سائیکلیں دی گئیں۔
ایگل فورس پر مشتمل یہ خصوصی دستہ جدید اسلحہ، باڈی کیمرے سے لیس پروفیشنل فورس ہے۔سٹریٹ کرائم کی روک تھام کیلئے ایگل فورس کے تمام رائیڈرز کی وردی میں کیمرے نصب ہیں۔
اس موقع پر ضلعی پولیس سربراہ فرحان خان (پی ایس پی) نے کہا کہ ایگل سکواڈ تربیت یافتہ پولیس فورس پر مشتمل ہے جو ہر قسم کے جرائم کی روک تھام کے لیے تیزی سے کام کرے گی۔
مزید کہا کہ ایگل فورس بنانے کا مقصد ضلع شمالی وزیرستان میں امن برقرار رکھنا ہے۔ ایگل دستے میں تربیت یافتہ نوجوان موجود ہیں جو جرائم پیشہ عناصر کے خلاف فوری کارروائی کریں گے۔
ضلعی پولیس سربراہ نے اس موقع پر مزید کہا کہ ایگل فورس جہاں بھی ٹریفک کا مسئلہ ہو یا کوئی اور واقعہ تو یہ فورس وہاں موقع پر پہنچ کر دوسرے پولیس اہلکاروں کی مدد کرے گی اس سے یہاں کا ٹریفک کا نظام بہتر ہوگا اور جرائم میں کافی حدتک کمی ہوگی۔
افتتاحی تقریب کے بعد ایگل سکواڈ میں شامل پولیس اہلکاروں نے بازار میں فلیگ مارچ کا مظاہرہ بھی کیا۔
