پشاور: محکمہ ریلیف، بحالی و آباد کاری نے ممکنہ بارشوں اور سیلابی صورتحال میں ناخوشگوار واقعات سے نمٹنے کےلیے صوبہ بھر میں فرضی مشقوں کا آغازکردیا ہے۔
اس حوالے سے عوامی سطح پر آگاہی مہم شروع کر دی ہے۔ مشقوں میں سیلابی صورتحال میں انخلاء ، زخمیوں کی بروقت منتقلی و فرسٹ ایڈ، فلڈ ایمرجنسی سرچ اینڈ ریسکیو، کیمپ مینجمنٹ سمیت دیگر مشقیں شامل ہیں۔
مشقوں میں پی ڈی ایم اے ، ریسکو 1122، سول ڈیفنس اور ضلعی انتظامیہ کے نمائندے حصہ لے رہے ہیں۔ متعلقہ ایڈیشنل ڈیپٹی کمشنرریلیف متعلقہ ضلع میں کیمپین کو لیڈ کر رہے ہیں۔
ممکنہ مون سون بارشوں اور سیلاب سے کمیونٹی کو بروقت معلومات اور آگاہی سے نقصانات کو کم کیاجا سکتا ہے۔
