پشاور: خیبرپختونخوا کے8 قومی حلقوں پر ضمنی انتخابات،74 کاغذات نامزدگی منظور کرلیئے گئے۔
دو امیدواروں کی کاغذات نامزدگی مختلف وجوہات پر مسترد دئیے گئے۔ این اے 17 ہری پور سے شوکت بلال کے کاغذات نامزدگی مسترد۔ ترجمان الیکشن کمیشن کے مطابق شوکت بلال نے انکم ٹیکس گوشوارے جمع نہیں کروائے ہیں۔
این اے 43 خیبر سے عبدالرشید کے کاغذات نامزدگی بھی مسترد۔عبدالرشید کو سرکاری ملازمت سے سبکدوشی کے دوسال مکمل نہیں ہوئے ہیں۔
کاغذات نامزدگی پر 16 فروری تک درخواستیں ٹربیونل کوجمع کرائی جاسکیں گی۔اپیلوں پر سماعت 20 فروری ہوگی،فہرست23 فروری کو جاری کی جائےگی جبکہ 22 فروری تک کاغذات نامزدگی واپس لئے جاسکیں گے۔
23 فروری کو امیدواروں کو انتخابی نشانات بھی الاٹ کئے جائینگے اور16 مارچ کو 8 قومی حلقوں کے لئے پولنگ ہوگی ۔
ضمنی انتخابات میں این اے 4 سوات سے وزیر مراد سعید پی ٹی آئی کے امیدوار ہونگے
۔این اے 38ڈیرہ اسماعیل خان سے تحریک انصاف کے جنرل سیکرٹری علی امین گنڈا پور سمیت10امیدوار میدان میں ہیں۔ این اے 17ہری پورسے سابق وفاقی وزیر عمر ایوب سمیت 7امیدواروں نے کاغذات جمع کروائے۔
صوابی این اے 18سے سابق اسپیکر اسد قیصر سمیت 11امیدوار سامنے آگئے۔کوہاٹ این اے 32سے شہریار آفریدی اور عباس آفریدی سمیت 7امیدوار میدان میں ہیں۔
این اے 25نوشہرہ میں پرویز خٹک اور ن لیگ کے اختیار ولی سمیت 9امیدوار سامنے آگئے
خیبر این اے 43سے سابق وفاقی وزیر نور الحق قادری اور شاہ جی گل آفریدی سمیت 9امیدوار میدان میں ہیں۔ نوشہرہ ٹو این اے 26سے عمران خٹک سمیت 12امیدواروں نے کاغذات جمع کروا لئے
پاک فوج کے تعاون سے ضلع لکی مروت میں کبڈی میچ اختتام پزیر
September 9, 2024
