کے پی بجٹ: سرکاری ملازمین کی تنخواہوں اور پنشن میں 15 فیصد کا اضافہ

پشاور : صوبائی بجٹ آج پیش ہوا جس میں تمام سرکاری ملازمین کی تنخواہوں اور پنشن میں 15 فیصد کا اضافہ کیا گیا ہے۔ یہ اضافہ گریڈ 1 سے 19 تک کے ملازمین کے لیے  DRA کے علاوہ ہے اور پولیس کو بھی اس میں شامل کیا گیا ہے۔ پولیس شہداء  پیکج کو بھی بڑھا دیا گیا ہے۔ پچھلے چند سالوں میں ہمارے پنشن کے اخراجات میں سو گُنا اضافہ دیکھنے میں آیا ہے۔بڑھتے ہوئے پنشن کے اخراجات کو کم کرنے کیلئے اقدامات اُٹھائے جائینگے۔جلد ریٹائرمنٹ کے لئے کم از کم عمر میں اضافے سے سالانہ 12 ارب روپے کی بچت ہوگی۔
 
پنشن رولز میں تبدیلی سے سالانہ ایک ارب روپے کی بچت ہوگی. کنٹری بیوٹری پنشن نظام متعارف کرانے کیلئے اقدامات اُٹھائے جائینگے۔
 نئے بھرتی ہونے والے ملازمین کے لیے کنٹری بیوٹری پنشن کے اجراء سے ان کی پنشن محفوظ ہو گی۔ سول سروانٹ ایکٹ میں ترمیم سے نئے بھرتی ہونے والے ملازمین کو کنٹری بیوٹری پروویڈنٹ فنڈ میں شامل کیا جائے گا۔ تاریخ میں پہلی مرتبہ 63000 ملازمین کو مستقل کیا جارہا ہے  58 ہزار اساتذہ اور سابقہ فاٹا کے 128 پروجیکٹس کے 4 ہزار سے زائد ملازمین کو مستقل کیا جائے گا۔ 675 ایڈہاک ڈاکٹرز کو یکم جولائی سے مستقل کیا جائے گا۔ صحت کارڈ پلس ٹاپ اپ پیکج تمام سرکاری ملازمین کیلئے او پی ڈی سہولیات کے ساتھ شروع ہوگا۔