لاہور: بابر اعظم پی ایس ایل آٹھ کے لیے پشاور زلمی کے کپتان مقرر
اس موقع پر بابر اعظم نے کہا کہ پشاور زلمی کی قیادت باعث اعزاز اور نِئے چیلنج کے لیے پرجوش ہوں۔ پشاور زلمی پی ایس ایل میں بہترین ٹیموں میں سے ایک اور مستقل مزاج کارکردگی کی حامل ہے۔
محمد اکرم ، ڈائریکٹر کرکٹ پشاور زلمی نے کہا کہ بابر اعظم کی زلمی سے وابستگی اور کپتانی پر فخر ہے۔بابر اعظم کی قیادت میں پاکستان نے ورلڈ ٹی ٹوئنٹی اور ایشیا کپ فائنل کھیلے۔ انہوں نے کہا کہ بابر اعظم کے تجربے سے پشاور زلمی کو بھرپور مدد ملے گی ۔
چیرمین پشاور زلمی جاوید آفریدی نے اس موقع پر کہا کہ بابر اعظم کی کپتانی میں پشاور زلمی پی ایس ایل آٹھ میں شاندار کارکردگی دکھائے گی۔
انہوں نے کہا کہ بابر اعظم کی ورلڈ کلاس بیٹنگ اور کپتانی کے تجربہ سے پشاور زلمی کو بھرپور مدد ملے گی۔
