جناح کالج برائے خواتین یونیورسٹی آف پشاور میں یوم اقبال کی مناسبت سے سالانہ تقریری مقابلے کا انعقاد کیا گیا ، جس کی مہمان خصوصی سٹیشن ڈائریکٹر ریڈیو پاکستان پشاور تھیں ۔ تقریب میں کالج ہذا کی طالبات نے کلام اقبال اور شاعر مشرق کی شاعری سے لئے گئے موضوعات ، درس خودی مرد مومن اقبال کا شاہین اور عورت کا مقام پر اپنے خیالات کا اظہار کیا . طالبات نے اقبال کی نظموں پر مبنی ٹیبلو اور خاکے بھی پیش کئے ۔
اس موقع تقریب سے خطاب کرتے ہوئے مہمان خصوصی محترمہ سیدہ عفت جبار نے کہا کہ اقبال کا درس خودی اور تصور شاہین میں دور حاضر کے نوجوانوں کے لئے اہم پیغام ہے جس پر عمل پیرا ہو کر دور حاضر کی مشکلات کے لئے معماران قوم کو تیار کر سکتے ہیں ۔ انہوں نے تعلیم کے ساتھ ساتھ طلباء اور طالبات کی تربیت پر بھی زور دیا ۔ تقریب کے آخر میں کالج پرنسپل محترمہ تزین گل نے شرکاء کا شکریہ ادا کرتے ھوے کہا کہ ھمیں جناح کالج سے فارغ التصیل سیدہ عفت جبار صاحبہ جیسی ھونہار طالبات پر ھمیشہ فخر رھیگا جبکہ مہمان خصوصی نے تقریری مقابلے میں اول دوم اور سوئم انیوالے طلبہ میں انعامات تقسیم کئے.
