پشاور: خیبرپختونخوا میں آج شام سےبارشوں کا نیاسلسلہ شروع ہونے کاامکان۔
محکمہ موسمیات کے مطابق گرج چمک کے ساتھ بارشوں اور ژالہ باری کےپیش نظر ضلعی انتظامیہ اورمتعلقہ اداروں کو پیشگی اقدامات اٹھانے کی ہدایات کردی گئی ہے۔
پی ڈی ایم اے کے مراسلے میں کہا گیا ہے کہ بارشوں کے باعث بالائی اضلاع میں لینڈ سلائیڈنگ کا خدشہ ہے اور ضلعی انتظامیہ کو چھوٹی بھاری مشینری کی دستیابی یقینی بنانے کی ہدایت کردی گئی ہے۔
صوبے کے بعض اضلاع،چترال، دیر، سوات، شانگلہ، کوہستان، طورغر،مانسہرہ میں طغیانی کا خدشہ ہے جس کی وجہ سےبرساتی نالوں کی نگرانی کی بھی ہدایت کی گئی ہے۔
بارشوں سے درجہ حرارت میں کمی کا امکان ہے اوربارشوں کا سلسلہ وقفے وقفے سے مئی کے پہلے ہفتے تک جاری رہنے کا بھی امکان ہے۔سیاح دوران سفر خصوصی احتیاطی تدابیر اختیار کریں۔
