خیبرپختونخوا میں آج شام سےبارشوں کا نیاسلسلہ شروع ہونے کاامکان ہے۔ محکمہ موسمیات کے مطابق گرج چمک کے ساتھ بارشوں اور ژالہ باری کےپیش نظر ضلعی انتظامیہ اورمتعلقہ اداروں کو پیشگی اقدامات اٹھانے کی ہدایات کردی گئی ہے۔
پی ڈی ایم اے کا کہنا ہے کہ ضلعی انتظامیہ چھوٹی بھاری مشینری کی دستیابی یقینی بنائیں۔
حساس اضلاع کے کاشتکاروں کےلیے ضروری ہدایات جاری کردی گئی ہیں جن میں کہا گیا ہے کہ کسان پیشن گوئی کو مدنظر رکھتے ہوئے اپنی سرگرمیوں کےلیے مناسب انتظام کریں۔ پی ڈی ایم اے مراسلہ میں مزید کہا گیا ہے کہ تیز ہواؤں اورژالہ باری سے فصلوں (گندم) کو خطرہ لاحق ہو سکتا ہے جبکہ۔ برساتی نالوں کی نگرانی کی جائے۔ چرواہے اپنے مویشیوں کا مناسب طریقے سے انتظام کریں۔
حساس بالائی علاقوں میں سیاحوں اور مقامی کمیونٹیز کو ایڈوائزری کی ترسیل یقینی بنائیں۔پیغامات مقامی زبانوں میں پہنچائے جائیں ۔ بارشوں کا سلسلہ وقفے وقفے سے 26 مئی تک جاری رہنے کا امکان
پی ڈی ایم اے کا ایمرجنسی آپریشن سنٹر مکمل طور پر فعال ہے، عوام معلومات اور رہنمائی کے لیے ہماری ہیلپ لائن 1700 پر رابطہ کریں.
