پشاور سمیت خیبرپختونخوا کے وسطی اور بالائی علاقوں میں بارشوں کا سلسلہ شروع ہو گیا ہے۔ 
بارش کے ساتھ بعض علاقوں میں ژالہ باری کا بھی امکان ہے۔ محکمہ موسمیات کے مطابق گزشتہ 24گھنٹے کے دوران سب سے زیادہ 26ملی میٹر بارش پشاور میں ہوئی۔
چترال میں 8،دیر 7،میرکھنی5، تخت بھائی 4، کالام 3اور باوجوڑ میں 2ملی میٹر بارش ریکارڈ کی گئی۔
ملاکنڈ اور ہزارہ ڈویژن میں پہاڑوں پر برفباری کا سلسلہ بھی جاری ہے۔
صوبے میں آئندہ 24گھنٹے تک بارشوں اور ژالہ باری کا سلسلہ جاری رہے گا۔