خیبر پختونخوا سمیت ملک بھرمیں بارشوں کاسلسلہ جاری ہے۔
صوبے کے مختلف حصوں میں بارش و برفباری کی اطلاعات ہیں جس سے موسم خوشگوار ہو گیا ہے۔ ٹانک : شہر و گردونواح میں ایک گرج چمک اور تیز ہواووں کے ساتھ شدید موسلادھار بارش ہورہی ہے۔
پچھلے چار گھنٹوں سے مسلسل بارش کی وجہ سے ندی نالوں میں سیلابی صورت حال جبکہ نشیبی علاقوں میں پانی بھرنے لگا۔
موسلادھار بارشوں سے چنا اور گندم کی تیار فصلیں متاثر ہونے کا خدشہ ہے۔
ڈی آئی خان شہر سمیت تحصیل پہاڑپور کے مختلف علاقوں میں گرج چمک کے ساتھ موسلادھار بارش وقفے وقفے سے جاری ہے۔شدید بارش سے نشیبی علاقے زیر آب ، شہر کی گلیاں جھیلوں کا منظر پیش کرنے لگیں۔
بارشوں سے چنے اور گندم کی تیار فصلیں متاثر ہونے خدشہ ہے۔نبارش اور ہوا ہوں سے سردی کی شدت میں اضافہ بھی ہو گیا
بلوچستان کےمختلف علاقوں میں گرج چمک کے ساتھ تیز بارش اورژالہ باری کا سلسلہ جاری ہے۔
آواران ، چمن ، زیارت سمیت دیگرعلاقے شدید ژالہ باری اور بارشوں کی لپیٹ میں ہیں۔ اس کے علاوہ رکھنی ،بارکھان، ہرنائی، لسبیلہ، بولان، ڈھاڈر اورمچھ میں بھی بارشیں اورژالہ باری ہورہی ہے۔
کراچی میں رات گئےمختلف علاقوں میں ہلکي بارش سےموسم خوشگوارہوگيا۔ محکمہ موسمیات نےخیبرپختونخوا،اسلام آباد پنجاب کے مختلف علاقوں میں مزید بارش کا امکان ظاہر کیا ہے۔
اُدھرشمالی بلوچستان،کشمیر،گلگت بلتستان میں بھی بارش متوقع ہےجبکہ شمالی بلوچستان میں چندمقامات پرموسلادھاربارش کابھی امکان ہے۔
