سوات: خیبرپختونخوا کلچر اینڈ ٹورازم اتھارٹی، سیمسنز مالم جبہ اور ریڈ بل کے تعاون سے ہوم رن سکینگ اینڈ سنو بورڈنگ فیسٹیول کا انعقاد.
سنو بورڈنگ اینڈ سکینگ مقابلوں میں 70 سے زائد کھلاڑیوں نے شرکت کی،تقریب میں کمشنر ملاکنڈ شاہد اللہ، بریگیڈ کمانڈر 6 بریگیڈ ساجد اکبر مہمانان خصوصی تھے، فیسٹیول میں چترال، گلگت بلتستان، ہنزہ، اسلام آباد، پنڈی، لاہور، سوات، دیر اور مالم جبہ سمیت مختلف علاقوں سے اتھلیٹ شریک ہوئے.
فیسٹیول میں خیبرپختونخوا کلچر اینڈ ٹورازم اتھارٹی کی جانب سے روایتی رباب موسیقی کابھی اہتمام کیا گیا تھا، فیسٹول میں مرد اور خواتین نے مقابلوں میں حصہ لیا اور خوب مقابلے کئے.
خواتین سنو بورڈنگ مقابلوں میں دیر کی ثمر خان اور مردوں میں عمیس حسین نے پہلی پوزیشن حاصل کی،مردوں کے سکینگ مقابلوں میں زاہد خان نے پہلی، شیر غنی نے دوسری اور الیاس نے تیسری پوزیشن حاصل کی،خواتین سکینگ مقابلوں میں بشرہ نے پہلی پوزیشن اپنے نام کرلی،خواتین سنو بورڈنگ میں دوسری پوزیشن عائشہ اور تیسری اقراء نے حاصل کی،اس موقع پر شاہد اللہ کمشنر ملاکنڈ نے کہا کہ سیاحت کے فروغ کیلئے ہر ممکن کوشش کرینگے، عنقریب مزید بین الاقوامی کھلاڑی یہاں ایکشن میں دکھائی دینگے،سرمائی سیاحت کے فروغ کیلئے مختلف فیسٹیولز ضلعی انتظامیہ کی زیرنگرانی منعقد کررہے ہیں،سیاح بلا خوف سوات آئے اور حسین مقامات کی سیر سے لطف اندوز ہوں، تقریب کے آخر میں پوزیشن ہولڈرز کھلاڑیوں میں انعامات تقسیم کئے۔
