شمالی وزیرستان: پولیو آگاہی سیمینار کا انعقاد

شمالی وزیرستان میران شاہ میں پولیو آگاہی سیمینار کا انعقاد کیا گیا ۔ جسمیں شمالی وزیرستان میں کام کرنے والے تمام فلاحی تنظیموں نے شرکت کی ۔
اجلاس کی صدارت ڈپٹی کمشنر شمالی وزیرستان شاہد علی خان نے کی ۔ میٹنگ کا مقصد کامیاب پولیو مہم کے انعقاد کے لیے ان کی مدد اور تعاون حاصل کرنا تھا ۔
ڈپٹی کمشنر نے شمالی وزیرستان میں موجودہ پولیو وباء کی صورت حال پر تفصیلی گفتگو کی اور ان سے اس لاعلاج بیماری کے خاتمے اور 6 جون سے شروع ہونے والی پولیو مہم کو کامیاب بنانے میں اہم کردار ادا کرنے کی اپیل کی ۔
تمام فلاحی تنظیموں نے عہد کیا کہ وہ اپنے سوشل میڈیا پیجز پر سوشل موبلائزیشن اور پیغام کی ترسیل میں تعاون کریں گے اور علاقے کی سطح پر آگاہی سرگرمیوں میں حصہ لینگے ۔ اخر میں ڈپٹی کمشنر نے تمام فلاحی تنظیموں کا علاقے کی خدمت کرنے پر ان کا شکریہ ادا کیا ۔