شہر میں مسیحی براری کے مذہبی تہوار کرسمس کی خاطر پشاور پولیس کی جانب سے سکیورٹی کے فول پروف انتظامات کو حتمی شکل دے دی گئی ہے،
اس ضمن میں دو ہزار سے زائد پولیس جوان و افسران سکیورٹی کے فرائض سرانجام دیں گے، تمام چرچز کے قرب وجوار میں واقع تمام اونچے عمارتوں پر ماہر نشانہ باز تعینات جبکہ مین گیٹ پر واک تھرو گیٹس اور اندرونی حصوں میں بھی مناسب سکیورٹی آس پاس ناکہ بندیوں سمیت بی ڈی یو اور سنیفر ڈاگز ٹیموں کو بھی تعینات کیا جائے گا، کرسمس کے موقع پر سکیورٹی کو موثر بنانے کی خاطر ابابیل سکواڈ ، سٹی پٹرولنگ، لیڈیز پولیس سمیت لوکل پولیس کو بھی تعینات کر کے ان کو خصوصی ذمہ داریاں تفویض کر دی گئی ہیں۔ مسیحی برادری سمیت تمام اقلیتی برادری کا تحفظ اولین ترجیحات میں شامل ہے جن کے تحفظ کے لئے تمام دستیاب وسائل کو بروئے کار لایا جا رہا ہے، 25 دسمبر کے موقع ٹریفک کو رواں دواں رکھنے کیلئے ٹریفک پولیس کی جانب سے بھی خصوصی ٹریفک پلان مرتب کیا گیا ہے،تمام مسیحی عبادت گاہوں کی سی سی ٹی وی کیمروں کے ذریعے نگرانی بھی کی جائے گی، ملکی ترقی اور امن و امان کے قیام میں اقلیتی برادری کے کردار کو سراہتے ہوئے انہیں ملکی اثاثہ قرار دیا ہے۔
“سی سی پی او پشاور سید اشفاق انور”
