خیبر پختونخوا کے محکمہ پلاننگ اینڈ ڈویلپمنٹ کی جانب سے قبائلی علاقوں کی ترقی کے تسلسل کیلئے قبائلی عشرہ ترقی کے پہلے تین سالوں کیلئے تشکیل دیے ایکسلیریٹڈ امپلیمنٹیشن پروگرام (اے آئی پی) کے پہلے مرحلے کی تکمیل کے بعداگلے تین سالوں کیلئے اے آئی پی فیز ٹو کا اجراء۔
اسلام آباد میں منعقدہ پروگرام میں اراکین کابینہ تیمور جھگڑا، شوکت یوسفزئی، کامران بنگش سمیت کوریا کے سفیر، جرمنی اور جاپان کے ڈپلومیٹک مشنز اور کینڈین ہائی کمیشنز کے نمائندے، یورپین یونین کے نمائندے، یو ایس ایڈ، ٹرکش کو آپریشن اینڈ کوآرڈی نیشن ایجنسی، ور لڈ بینک، ایشیائی ترقیاتی بینک، فارن کامن ویلتھ اینڈڈویلپمنٹ آفس، آئی این ایل، کےایف ڈبلیو، اٹالین ایجنسی فار ڈویلپمنٹ کو آپریشن، یو این ڈی پی اور دیگر اداروں کے نمائندے شریک ہوئے.
شہاب علی شاہ ،اے سی ایس خیبر پختونخوا نے کہا، “اے آئی پی ٹو کی تشکیل میں ضم شدہ اضلاع کے پچیس سب ڈویژنز میں منعقدہ مشاورتی نشستوں میں عوامی ترجیحات، آراء و تجاویز کو بنیاد بنایا گیا ہے تاکہ صحت، تعلیم، زراعت، آب رسانی اور دیگر شعبوں میں ان کی ضروریات کے تحت اقدامات کیے جائیں”۔
