لنڈی کوتل: گورنمنٹ ہائی سکول گراؤنڈ پر فرنٹیئر کور نارتھ کے تعاون سے پاکستان سپورٹس فیسٹیول 2022 کا فٹبال ٹورنامنٹ اختتام پذیرہوگیا ۔فائنل ارسنل کلب نے جیت کر ٹرافی اپنے نام کر لی۔
اس موقع پر فائنل میچ پاک شینواری فٹ بال کلب اور ارسنل فٹ بال کلب کے درمیان کھیلا گیا جوارسنل نے سنسنی خیز مقابلے کے بعد 3گول سے جیت لیا۔
فائنل میچ کے مہمان خصوصی 101ونگ کمانڈر کے لیفٹیننٹ کرنل عمائر اقبال تھے ان کے ساتھ جنرل کونسلر ابو دردا شینواری، یوتھ کونسلر اسماعیل شینواری، خیبر سپورٹس کلب کے جنرل سیکرٹری کلیم اللہ شینواری، اختر رسول شینواری، معروف کمنٹریٹر منظور شینواری ودیگر بھی موجود تھے۔
مہمان خصوصی لیفٹیننٹ کرنل عمائر اقبال نے فٹ بال، باسکٹ بال، والی بال، بیڈ منٹن کے ونر ٹیم کے کھلاڑیوں کو پچیس 25ہزار روپے نقد دئے اور رنراپ ٹیم کے کھلاڑیوں کو پندرہ 15ہزار رپے دئیے۔
آخر میں خیبر سپورٹس کلب کے جنرل سیکرٹری کلیم اللہ شینواری نے فٹ بال کے فائنل کے لئے آئے ہوئے مہمانوں اور تماشائیوں کا خصوصی شکریہ ادا کیا۔
