وزیر اعلیٰ خیبر پختونخوا محمود خان کا ضلع مردان کا دورہ ۔مردان دورے کے دوران وزیر اعلیٰ نے 1.8 ارب روپے لاگت سے مکمل ہونے والے باچا خان میڈیکل کالج کا افتتاح کیا۔
کالج 51 کنال رقبے پر قائم کیا گیاہے جس میں 1250 طلباء زیر تعلیم ہیں۔
وزیر اعلیٰ نے 40 کروڑ روپے لاگت سے مکمل ہونے والے مردان میگا پارک کا افتتاح بھی کیا۔ 400 کنال رقبے پر قائم پارک میں واٹر سلائیڈز، چلڈرن پلے ایریا، الیکٹرانک ڈائینوسار اور دیگر سہولیات موجودہے۔
وزیر اعلیٰ نے سٹیز امپرومنٹ پراجیکٹ کے تحت متعدد ترقیاتی منصوبوں کا سنگ بنیاد بھی رکھ دیا۔ 8.3 ارب کی لاگت سے ضلع مردان میں سیوریج سسٹم کی بحالی اور نئے ٹریٹمنٹ پلانٹ قائم کیئے جارہے ہیں۔
وزیر اعلیٰ نے اس موقع پر کہا کہ 3.8 ارب روپے کی لاگت سے ضلع میں انٹگرییٹڈ سالڈ ویسٹ مینجمنٹ سسٹم قائم کر رہے ہیں جبکہ 3.3 ارب کی لاگت سے 19 کلومیٹر کاٹلنگ تا چنگی روڈ کی ڈوالائیزیشن پر کام کا اجراء کر دیا ہے۔
