ممبر و محراب کی اہمیت اور معاشرے میں امن و امان کے قیام کے لئے مساجد کے مثبت کردار کو اجاگر کرنے کے لئے منگل کے روز ڈیرہ اسماعیل خان کے مدرسہ جامعہ عثمانیہ میں ایک روزہ سیمینار کا انعقاد کیا گیا۔
اس سیمینار میں 120 سے ذیادہ افراد نے شرکت کی۔ جس میں اسلامک ریسرچ انسٹی ٹیوٹ اسلام آباد کے ڈاکٹر منیر احمد، ہری پور یونیورسٹی کے پروفیسر ڈاکٹر عبدالمہیمن اور بنوں میڈیکل کالج کے ریٹائرڈ کرنل ناصر نے مہمانان خصوصی کے طور پر شرکت کی۔
شرکاء اور مقررین نے عوام میں شعور و آگاہی پھیلانے کے لئے ممبر و محراب کی اہمیت و کردار کو اجاگر کیا۔
مقررین کا کہنا تھا کہ مساجد کو معاشرے میں قیام امن کی کوششوں کے لئے مؤثر طور پر استعمال کیا جا سکتا ہے کیوں کہ پاکستانی معاشرے کا مساجد کے ساتھ تعلق بہت گہرا ہے اور ان سے امن کا پیغام گراس روٹ لیول تک پہنچ سکتا ہے۔
اس موقع پر شرکاء نے خیبر پختونخوا اور ملک بھر میں قیام امن اور استحکام کے لئے مسلح افواج اور دیگر اداروں کے کردار پر بھی روشنی ڈال۔
