قبائلی ضلع مہمند میں جاری پاکستان سپورٹس فیسٹول سائیکل ریس کا حتمی مرحلہ آج اختتام پذیر ہوا جس میں ملک کے تمام حصوں سے سائیکلسٹ شریک ہوئے۔ اس طرح کے صحت افزا ایوینٹس کے پرامن اور کامیاب انعقاد سے قبائلی علاقوں میں سیاحت کو فروغ ملے گا ۔ ایونٹ کے کامیاب انعقاد پر مقامی عمائدین، مشران اور عوام نے پاکستان آرمی، فرنٹیئر کور نارتھ، کلچر اینڈ ٹورازم اتھارٹی خیبرپختونخواہ سمیت ضلعی انتظامیہ کا شکریہ ادا کیا. اور ایسے ایونٹس کے انعقاد کو علاقے کی ترقی و خوشحالی کا پیش خیمہ قرار دیا۔
