وانا: پاک افغان بارڈر کے ساتھ منسلک علاقہ تحصیل برمل انگورآڈہ میں انسداد پولیو مہم انتہائی سخت سکیورٹی کی نگرانی میں جاری ہے.
ڈی سی اور ڈی پی او ساوٴتھ وزیرستان کی ہدایت کے مطابق پولیومہم کے دوران ہر ٹیم کو 2 پولیس اہلکاراورسکاؤٹس فورس کے اہلکاروں کی سیکیورٹی فرہم کی گئی ہے۔ انھوں نے کہاکہ تحصیل برمل انگوراڈہ میں پولیو مہم سکیورٹی کی نگرانی میں پرامن ماحول میں جاری ہے اب تک کوئی دلخراش واقع رونما نہیں ہوا ۔
دوسری جانب ڈی ایچ او ساوٴتھ وزیرستان کے مطابق اس بار ضلع لوئر اور اپر وزیرستان میں تقریباً 1لاکھ 85 ہزار پانچ سال سے کم عمر بچوں کو پولیو کے قطرے پلاجائینگے انھوں نے کہاکہ تحصیل برمل، شکئی ، تیارزہ، تحصیل توئے خلہ ،زرملین اور شوال کے بعض علاقوں میں سکیورٹی خدشات کے پیش نظر پولیو مہم کو ڈیلے کردیاگیا ہے بعد میں ہرصورت دوبارہ آغاز کیا جائے گا۔
یاد رہے کہ ملک کے دیگر علاقوں کی طرح جنوبی وزیرستان میں بھی دہشتگردوں کی جانب سے تھریٹ الرٹ برقرار ہیں ۔
