ٹرانس پشاور سال 2022 کے لیئے بی آر ٹی زو پشاور کی سالانہ رپورٹ جاری کردی۔
رپورٹ کے مطابق 2022 کے دوران 74 ملین مسافروں نے زو پشاور پر سفر کیا پچھلے سال کے مقابلے میں مسافروں کی تعداد میں 45% کا اضافہ دیکھا گیا جن میں خواتین مسافروں کی تعداد میں 30 فیصد اضافہ ہوا ۔
روزانہ کی بنیاد پر مسافروں کی تعداد 2 لاکھ 70 ہزار تک پہنچ گئی ہے۔ جس میں تقریباً 70,000 خواتین ہیں۔ 2022 میں زو پشاور کی گوگل میپس کے ساتھ اینٹیگریشن مکمل ہوئی اور 4 لاکھ سے زائد زو کارڈ فروخت کئے گئے۔
ہاسپٹل چوک سے کوہاٹ اڈہ تک، ایک نئے ایکپریس روٹ (ER 10) کا اجراء کیا گیا جبکہ پانچ مزید روٹس پر کام جاری ہے، جو 2023 کے اوائل میں فعال ہونا شروع ہو جائیں گے۔ 62 نئی بسیں منگوائی گئیں، جو جلد سسٹم میں شامل کر دی جائیں گی۔ زو بایئسائکل شیرنگ سسٹم پر 2400 سے زائد نئی ریجسٹریشنز ہوئیں جو پچھلے سال سے تقریباً چار گنا زیادہ ہے۔ ترجمان ٹرانس پشاور کے مطابق بائیسائیکل کی رجسٹریشن فیس میں 2000 روپے کی کمی کی گئی۔
2022 میں بی آر ٹی پشاور کو چار عالمی ایوارڈز سے نوازا گیا ۔ زو پشاور کو Gold Standard Award ، Sustainable Transport Award, ، ورلڈ پرائز فار سیٹیز ایوارڈ اورBest Smart Ticketing System کے ایوارڈ ملے۔
ہیلپ لائن اور سوشل میڈیا پلیٹ فارمز کے زریعے تقریباً 6000 شکایات کا ازالہ کیا گیا۔ مسافروں کی سہولت کے لئے 21 سٹیشنوں پر ٹک شاپس کا قیام۔
یونیورسٹی آف پشاور اور مال آف حیات آباد سٹیشن پر ATM سروس کا اجراء۔زو موبائل ایپ کو, easypaisa or jazzcash کے ذریعے ریچارج کرنے کی سہولت فراہم کی گئی ۔
زو موبائل ایپ سے اب مسافر زو کارڈ کا بیلنس چیک کر سکتے ہیں۔ بس انڈسٹری ریسٹرکچرنگ پروگرام کے تحت 500 سے زائد پرانی بسوں اور ویگنوں کو سکریپ کیا گیا ۔ رواں سال 350 ملین مالیت کے Non-fare Revenues کے معاہدوں پر دستخط ہوئے۔
