.پشاور:ہائیکورٹ نے عمران خان کو 3 ہفتے کیلئے رہداری ضمانت دیدی

عمران خان کی جانب سے دائر درخواست پر چیف جسٹس قیصر رشید نے سماعت کی۔  سماعت کے دوران عمران خان کے وکیل بابر اعوان نے  کہا کہ عمران خان کے  کیخلاف 14 ایف آئی آرز درج ہیں۔

 ایف آئی آرز میں لکھا ہے کہ “عمران خان کی ایما پر”،بابر اعوان نے مزید کہا۔ اس پر چیف جسٹس نے عمران خان کو تین ہفتوں کی ضمانت دیتے  ہوئے کہا کہ اگر پھر کوئی مسئلہ ہوا توآپ پھر آسکتے ہیں۔ جبکہ 25 جون تک ضمانتوں پر عملدرآمد ہوگا۔

عمران خان صاحب ہائیکورٹ کے احاطے میں کوئی خطاب نہ کرے،چیف جسٹس  نے ہدایت کی جس پر عمران خان نے کہاکہ بالکل ٹھیک ہے سر۔ ہائیکورٹ کا عمران خان 50 ہزار روپے کا مچلکے جمع کرانے کا حکم بھی دیا۔

اس سے قبل عمران خان نے گرفتاری سے بچنے کیلئے رہداری ضمانت  درخواست  عدالت میں دائر کی۔