حکومت نے پیٹرولیم مصنوعات کی قیمتوں میں مزید اضافہ کردیا۔
وزارت خزانہ کی جانب سے جاری کردہ اعلامیے کے مطابق یکم جولائی سے پیٹرول کی نئی قیمت 14روپے 85پیسے اضافے سے 248روپے 74پیسے لیٹر ہوگئی۔ ہائی اسپیڈ ڈیزل کی قیمت 13روپے 23پیسے اضافہ کیا گیا ہے، نئی قیمت 276روپے 54پیسے ہوگئی.
حکومتی نوٹی فکیشن کے مطابق پیٹرول پر 10 روپے جب کہ ہائی اسپیڈ ڈیزل، لائٹ ڈیزل اور مٹی کے تیل پر 5 پانچ روپے فی لیٹر پیٹرولیم لیوی عائد کی گئی ہے۔
مٹی کے تیل کی قیمت میں 18 روپے 83 پیسے فی لیٹر اضافہ کیا گیا ہے جس کے بعد اب مٹی کا تیل 230 روپے 26 پیسے فی لیٹر میں دستیاب ہوگا۔ لائٹ ڈیزل کی قیمت 18 روپے 68 پیسے فی لیٹر بڑھا کر 226 روپے 15 پیسے فی لیٹر کردی گئی ہے۔
