پشاور: پراونشیل ڈیزاسٹر مینجمینٹ اتھارٹی ( پی ڈی ایم اے) خیبر پختونخوا نے شمالی وزیرستان اور ضلع خیبر کے متاثرین کیلئے 31 کروڑ 60 لاکھ روپے کے فنڈز ریلیز کر دئے جو کہ ائندہ ایک دو دنوں میں متاثرین کو معمول کے مطابق سم کارڈ کے ذریعے سے موصول ہو نا شروع ہو جائینگے ۔ دائریکٹر جنرل پی ڈی ایم اے شریف حسین کے دفتر سے جاری شدہ ایک اعلامئے میں کہا گیا ہے کہ مذکورہ فنڈز اس سلسلے کی 94 ویں قسط ہے جس میں شمالی وزیرستان کے ہر رجسٹرڈ خاندان کو 12 ہزار روپے فی خاندان نقد امداد کی مد میں جبکہ 8 ہزار روپے ماہوا ر راشن کی مد میں دئے جا ئینگے. اسی طرح ضلع خیبر کے متاثرین کو بھی ماہوار راشن کی مد میں 8 ہزار روپے دئیے جا رہے ہیں ۔ اعلامئیے کے مطابق حال ہی میں افغانستان سے واپس آنیوالے متاثرین کو بھی آئندہ ایک دو دنوں میں امدادی رقوم کیلئے فنڈز جا ری کئیے جائینگے ۔ڈائریکٹر جنرل پی ڈی ایم اے شریف حسین نے اس موقع پر بتایا کہ مذکورہ فنڈز ہر ماہ باقاعدگی کے ساتھ شمالی وزیرستان اور ضلع خیبر کے رجسٹرڈ اور تصدیق شدہ متاثرین کو جا ری کئیے جا رہے ہیں تاکہ ان کی مالی مشکلات کو کسی حد تک کم کیا جا سکے ۔
