چارسدہ : ضلع بھر میں انسداد پولیو مہم کا آغاز ہو گیا۔
انسداد پولیو مہم کے پہلے روز ڈی ایس پی تنگی بشیر احمد یوسفزئی نے بی ایچ یوز کا دورہ کرتے ہوئے سیکیورٹی انتظامات کا جائزہ لیا اور پولیس اہلکاروں کو ہدایات جاری کیں۔
ضلع چارسدہ میں آج سے 5 روزہ انسداد پولیو مہم کا آغاز کر دیا گیا ہے، ڈسٹرکٹ پولیس آفیسر چارسدہ محمد عارف کے جاری کردہ احکامات پر سیکیورٹی انتظامات کے معائنہ کے سلسلہ میں ڈی ایس پی تنگی بشیر احمد یوسفزئی نے مختلف بی ایچ آوز کا دورہ کیا۔
ڈی ایس پی تنگی بشیر احمد یوسفزئی نے بی ایچ آوز میں متعلقہ عملہ سمیت پولیس افسران سے ملاقات کی اور سیکیورٹی کے حوالے سے ہدایات جاری کیں۔ انہوں نے کہا کہ پولیو اہلکار پولیو ٹیموں کی حفاظت کے ساتھ ساتھ اپنی حفاظت بھی یقینی بنائیں اور ہیلمٹ و جیکٹ کا استعمال لازمی کریں۔
