کوہاٹ انڈس ہائی وے پر خود کار ہتھیاروں سے بھری گاڑی پکڑی گئی. اے ایس پی صدر سرکل اُسامہ امین چیمہ کے مطابق کارروائی میں ہتھیاروں کے بین الصوبائی سمگلر حمید اللہ سکنہ مردان کو اسلحے سے بھری موٹر کار سمیت گرفتار کر لیا گیاہے۔ پکڑے جانے والے ہتھیاروں میں 3 ایس ایم جی رائفل، 2 ایم سیکسٹین رائفل، 2 مارک فور رائفل، 4 بندوق، 31 پستول اور 9000 کارتوس شامل ہیں۔ انٹیلی جنس بیسڈ کارروائی ایس ایچ او ایم آر ایس ہمایون خان اور انکی پولیس ٹیم کی طرف سے عمل میں لائی گئی۔
پولیس پارٹی نے ٹنل ٹول پلازہ کے قریب ناکہ بندی کی کارروائی میں موٹر کار کے خفیہ خانوں سے اسلحہ برآمد کیا۔
کارروائی میں زیر حراست اسلحہ سمگلر کے خلاف تھانہ محمد ریاض شہید میں مقدمہ درج کر لیا گیا ہے.اے ایس پی صدر سرکل اُسامہ امین چیمہ کا کہنا ہے کہ پکڑا جانیوالا اسلحہ درہ آدم خیل سے ملک کے مختلف شہروں کو سمگل کیا جارہا تھا. اورپکڑے جانے والے ہتھیاروں کا دہشت گردی کی کارروائیوں میں استعمال خارج از امکان قرار نہیں دیا جا سکتا. انھوں نے کہا کہ کارروائی میں زیر حراست ہتھیاروں کے سمگلر سے تمام پہلوؤں پر تحقیقات کی جارہی ہیں.
