پشاور: ڈائریکٹریٹ آف سپورٹس خیبرپختونخوا کے زیراہتمام 15 مارچ سے پشاور میں شروع ہونے والی انڈر21 خواتین گیمز میں ڈسٹرکٹ سوات کی خواتین ٹیمیں بھرپور شرکت کریں گی۔ 84 کھلاڑیوں پر مشتمل ٹیمیں سات مختلف گمیز میں حصہ لیں گی تفصیلات کے مطابق خیبرپختونخوا انڈر 21 گمیز کا آغاز 15 مارچ سے ہونے جا رہا ہے جس میں35 اضلاع کی تین ہزار سے زائد خواتین کھلاڑی شرکت کریں گی۔
اس سلسلے میںڈسٹرکٹ سپورٹس آفس سوات کے زیر اہتمام خواتین کیلئے کیمپ بھرپور انداز سے جاری ہے ڈپٹی کمشنر سوات جنید خان اور ریجنل سپورٹس آفیسر کاشف فرحان مختلف گیمز کے کیمپس کا خود جائزہ لے رہے ہیں ریجنل سپورٹس آفیسر کاشف فرحان اور ضیلعی سپورٹس آفیسر عبیداللہ نے اخباری نمائندوں سے بات چیت کرتے ہوئے کہا کہ ڈپٹی کمشنر سوات کی ہدایت پر کھلاڑیوں کو تیار کرنے کیلئے سرتوڑ کوششیں کر رہے ہیں اور مجھے امید ہے کہ اس دفعہ سوات کی ٹیمیں انڈر 21 گمیز میں نمایاں کارکردگی دیکھائیں گی انہوں نے کہا کہ نوجوانوں نسل کو کھیلوں کی سرگرمیوں کے حوالے سے اقدامات کیے جارہے ہیں تاکہ نوجوانوں کو معاشرتی برائیوں سے محفوظ رکھنے کے ساتھ ساتھ ان کی اعلی انداز سے ذہنی نشوونما کو ممکن بنانے میں مدد مل سکے۔انڈر 19 گیمز کے سلسلے میں کھلاڑیوں کیلئے والی بال، رسہ کشی، بیڈمنٹن، ٹیبل ٹینس، کرکٹ، نیٹ بال اور دیگر کھیلوں کا کیمپس لگائے گئے ہیں جس میں سوات سے تعلق رکھنے والی 84 خواتین کھلاڑی ماہر کوچیز کے زیر نگرانی پریکٹس کر رہی ہیں۔
