پشاور: ڈائریکٹوریٹ جنرل سپورٹس خیبر پختونخوا اور زمونگ کور کے اشتراک سے زمونگ کور میں یتیم اور بے سہارا بچوں کے لئے فیسٹیول کا افتتاح ہوگیا۔ فیسٹیول کا مقصد بچوں کو مثبت تفریح اور خوشی کے مواقع فراہم کرنا ہے تاکہ وہ بھی اپنی صلاحیتوں کا اظہار کر کے آگے بڑھیں۔ 
فیسٹیول میں کرکٹ، فٹ بال، ٹیبل ٹینس، بیڈمنٹن، رسہ کشی، کراٹے، جوجتسو، میوزیکل چیئر کے مقابلے منعقد کئے جارہے ہیں جبکہ آرٹ نمائش کا بھی اہتمام کیا جائے گا جس میں بچوں کی بنائی گئی اشیا رکھی جائیں گی اور بچوں کے مابین گانوں کا مقابلہ بھی کرایا جائیگا۔
