کورونا کے نئے وائرس اومی کرون کے حوالے سے نیا انکشاف سامنے آیا ہے کہ یہ نیا ویرینٹ گلے پر زیادہ اثر انداز ہوتا ہے۔سائنسدانوں نے نئی تحقیق میں انکشاف کیا ہے کہ اومیکرون پھیپھڑوں کے بجائے گلے پر اثر انداز ہوتا ہے اور گزشتہ دو برس میں کورونا وائرس نے اپنی ہیئت کو کئی بار تبدیل کیا ہے۔کورونا وائرس کی ہیئت میں تبدیلی کی وجہ سے اومیکرون تیزی سے پھیلنے کے باوجود کم جان لیوا ہے اور اس کی وجہ یہی ہے کہ یہ پھیپڑوں پر حملہ نہیں کرتا بلکہ گلے کو متاثر کرتا ہے۔لندن کے ایک پروفیسر کے مطابق نئی قسم اومیکرون جنیاتی طور پر پہلے وائرس سے کافی مختلف ہے اور اسی وجہ سے یہ جسم کے دوسرے خلیات کو متاثر نہیں کرتا۔سائنسدانوں کے مطابق اومیکرون نظام تنفس کی نالی کے اوپری حصے یعنی حلق کے خلیات پر اثر انداز ہوتا ہے اور پھیپھڑوں تک جانے کے بجائے حلق میں ہی اپنی تعداد تیزی سے بڑھاتا ہے۔انہوں نے کہا کہ اگر یہ وائرس ایک بار کسی فرد میں منتقل ہو کر حلق میں اپنی تعداد بڑھاتا ہے تو اس طرح اس کے پھیلنے کی رفتار کئی گنا تیز ہوسکتی ہے اور اسی وجہ سے اومیکرون کے پھیلنے کی رفتار دیگر ویریئنٹ کے مقابلے میں تیز ہے۔واضح رہے کہ کورونا وائرس کی سابقہ اقسام پھیپھڑوں پر اثر انداز ہوتی تھیں اسی لیے وہ زیادہ خطرناک اور جان لیوا تھی۔
ساہیوال سے اغوا ہونے والا نوجوان پشاور سے بازیاب
ساہیوال سے اغوا ہونے والے نوجوان کو پشاور سے بازیاب کرالیا گیا۔پشاور پولیس نے خفیہ اطلاع پر اہم کارروائی کرتے ہوئے پنجاب سے اغوا ہونے والے نوجوان کو بحفاظت پشاور سے بازیاب کرالیا۔ایس ایس پی آپریشن ہارون رشید کے مطابق نوجوان کو دو روز قبل چیچہ وطنی ساہیوال سے اغوا کیا گیا تھا، نوجوان کے اغوا کا مقدمہ تھانہ سٹی چیچہ وطنی ضلع ساہیوال میں درج کیا گیا تھا۔انہوں نے کہا کہ پشاور پولیس کو مغوی ابو سفیان کی پشاور کے راستے نامعلوم مقام پرمنتقلی کی اطلاع ملی تھی جس کے بعد خفیہ اطلاع پر شہر کے داخلی وخارجی راستوں کی نگرانی سخت کر دی گئی تھی۔ایس ایس پی آپریشن ہارون رشید نے مزید کہا ملزمان شہر سے باہر منتقلی میں ناکامی پر مغوی کو نیم بے ہوشی کی حالت میں مقامی پٹرول پمپ پر چھوڑ کر فرارہوگئے، نوجوان کو ابتدائی طبی امداد کے لئے اسپتال منتقل کیا گیا ہے، طبی امداد کے بعد مغوی کو والدین کے حوالہ کر دیا گیا ہے جب کہ پولیس نے مقامی پٹرول پمپ کے مالک اور سٹاف کو بھی شامل تفتیش کر لیا ہے۔
وفاقی حکومت کا سونے پر 17 فیصد سیلز ٹیکس عائد کرنے کا فیصلہ
وفاقی حکومت نے سونے پر 17 فیصد سیلز ٹیکس عائد کرنے کا فیصلہ کردیا ہے اور فیصلے کی منظوری کے لئے بل قومی اسمبلی سے منظور کروانے کے بعد حتمی منظوری کے لئے سینٹ میں جمع کروا دیا گیا ہے جبکہ دوسری طرف ملک بھر کی صرافہ ایسوسی ایشن نے سونے پر عائد 17 فیصد سیلز ٹیکس کا حکومتی فیصلہ مسترد کرتے ہوئے فیصلہ واپس لینے کا مطالبہ کیا ہے اور خبر دار کیا ہے کہ اگر حکومت نے سینٹ سے سونے پر عائد سیلز ٹیکس کا بل منظور کروایا تو ملک بھر کے سونے کے تاجر ملک گیر احتجاج اس وقت تک جاری رہے گا جب تک سونے پر عائد سیلز ٹیکس ختم نہیں کردیا جاتا۔
اومیکرون کرونا وائرس کے باعث خیبرپختونخوا میں الرٹ جاری
اومیکرون کرونا وائرس کے باعث خیبرپختونخوا میں الرٹ جاری کردیا گیا ہے بیرون ممالک سے آنے والے تمام افراد کی نگرانی خصوصی طور پر شروع کر دی گئی ہے پشاور،مانسہرہ، ابیٹ آباد، مالاکنڈ ڈویژن، جنوبی اضلاع میں محکمہ صحت کو الرٹ کردیا گیا ہے بازاروں، دفاتروں کے لئے نئی پالیسی بھی مرتب کرلی گئی ہے خیبر پختونخوا میں پانچ مریضوں میں وا ئرس کی تصدیق کے بعد محکمہ صحت کو الرٹ کر دیا گیا ہے شادی بیاہ میں بیرون ممالک سے آنے والے شہریوں یا ان کے قریبی رشتہ داروں کو حفاظتی اقدامات کی ہدایات کی گئی ہے نئے کیسز کی روک تھام کے لئے تمام اضلاع کے ضلعی محکمہ صحت کے دفاتر ضلعی محکمہ صحت کے حکام کو اہم ہدایات جاری کی گئی ہیں
خیبرپختونخوا میں بارشوں و برفباری کا سلسلہ اتوار تک جاری رہنے کا امکان
خیبر پختونخوا میں بارشوں اور پہاڑوں پر برفباری کا موجودہ سلسلہ اتوار تک جاری رہنے کاامکان ہے جبکہ اس سلسلے میں پی ڈی ایم اے خیبر پختونخوانے ضلعی انتظامیہ کو مراسلہ جاری کر دیا ہے۔محکمہ موسمیات کے مطابق چترال، دیر، سوات، مالاکنڈ، کوہستان، شانگلہ، بونیر،مانسہرہ، ایبٹ آباد، ہری پور، صوابی، مردان، نوشہرہ، پشاور، چارسدہ، کوہاٹ، باجوڑ اور کرم میں وقفے وقفے سے بارش کا امکان ہے شانگلہ، سوات، بونیر، دیر، چترال، کوہستان، بٹگرام، تورغر، مانسہرہ، ایبٹ آباد، کرم کے پہاڑوں پر برفباری کا امکان ہے ڈی جی پی ڈی ایم اے شریف حسین نے بارشوں و برفباری کے پیش نظر ضلعی انتظامیہ اور متعلقہ اداروں کو پیشگی اقدامات اٹھانے اور الرٹ رہنے کی ہدایات کی ہے محکمہ موسمیات کے مطابق پشاور میں اربن فلڈنگ کا خدشہ ہےجبکہ بالائی اضلاع میں تیز بارش اور برفباری کے باعث روڈ بندش اور لینڈسلاڈینگ کا خدشہ ہے ڈی جی پی ڈی ایم اے کے مطابق جہاں لینڈ سلائیڈنگ کا خطرہ ہو وہاں پر چھو ٹی بھاری مشینری کی دستیابی یقینی بنا ئی جا ئے۔لنک روڈز کی بحالی کے لیے مشینری کی دستیابی یقینی بنا ئی جائے،سیاح دوران سفر خصوصی احتیاطی تدابیر اختیار کریں اور موسمی صورت حال سے باخبر رہے۔ ترجمان پی ڈی ایم اے کے مطابق پی ڈی ایم اے کا ایمر جنسی آپریشن سنٹر مکمل فعال ہے،
کسی بھی نا خوشگوار واقعے کی اطلاع پی ڈی ایم اے کی ھیلپ لائن 1700پر دیں۔