Daily Archives: November 7, 2023

قوم کی بیٹیوں کے خوابوں کی تکمیل کی طرف ایک اور قدم ۔ پڑھے گا وزیرستان کو بنے کا خوشحال پاکستان, کوٹ کٹ ، ٹانک جنوبی وزیرستان میں پاک فوج کے تعاون سے گورنمنٹ گرلز پرائمری سکول کو تعمیر نو اور بحالی کے بعد فعال کر دیا گیا ہے. قیام امن کے بعد علاقے میں موجود سکولوں کی تعمیر نو اور بحالی کیلۓ پاک فوج نے ہنگامی بنیادوں پر اقدامات کۓ. گرلز سکول کی بحالی کے کام کے بعد تمام تر سہولیات سے آراستہ کر دیا گیا ہے تاکہ قوم کی یہ بیٹیاں کندھے سے کندھا ملا کر آگے بڑھے.

سکول میں اس وقت قابل اساتذہ کے زیرنگرانی ۹۰ طالبات تعلیم کے زیور سے بہرومند ہو رہی ہے. پاک فوج نے بچیوں کے حوصلہ افزائی کیلۓ مفت کتابیں ، سکول بیگز ، اور اسٹیشنری کا سامان تقسیم کیا. سکول کی تعمیر نو اور فعالی پر خصوصاً بچیوں اور علاقے کے لوگوں نے پاک فوج کا شکریہ ادا کیا.

انٹر ریجنل خیبرپختونخوا والی بال ٹورنامنٹ کے لئے پشاور ریجن کے ٹرائلز مکمل ہوگئے، ٹرائلز پشاور سپورٹس کمپلیکس کے پی ایس بی ہال میں منعقد ہوئے جس میں ضلع پشاور، نوشہرہ، چارسدہ،خیبراور ضلع مہمند کے بیس سال سے کم عمرکے کھلاڑیوں نے کثیر تعداد میں شرکت کی. اس موقع پر میڈیا سے گفتگو کرتے ہوئے ریجنل سپورٹس آفیسر پشاور ذاکر اللہ نے میڈیا سے گفتگو کرتے ہوئے بتایا کہ پاک آرمی اور صوبائی سپورٹس ڈائریکٹریٹ کے باہمی اشتراک سے والی بال ٹیلنٹ ہنٹ کا پروگرام ترتیب دیا گیا ہے جس میں قبائلی اضلاع سمیت خیبرپختونخوا کے تمام ریجن سے ٹیمیں شرکت کرینگی۔ اس سلسلے میں پشاور ریجن کے ٹرائلز کا انعقاد کیاگیا جس میں کثیر تعداد میں کھلاڑیوں نے حصہ لیا اس موقع پر صوبائی والی بال ایسوسی ایشن کے صدر خالد وقار چمکنی، ڈائریکٹر سپورٹس میر بشیر کے زیر نگرانی ٹرائلز منعقد ہوئے پشاور ریجن کے ٹیم منیجر کاشف فرحان اور کوچ ہدایت اللہ ہونگے۔

ہیلتھ کلینک میں ڈی ایچ او کی زیر نگرانی افغان باشندوں کو صحت کی سہولیات مہیا کی جارہی ہیں ۔ ترجمان ڈائریکٹر جنرل ہیلتھ سروسز کیمطا بق  پچھلے سات دنوں میں 1 ہزار سے زائد افغان باشندوں کا میڈیکل چیک اپ ہوا ہے انہوں نے مزید بتایا کہ  ڈسٹرکٹ ہیڈ کوارٹر لنڈی کوتل ہسپتال کو اب تک 45 افغان باشندوں کو مزید تشخیص کیلئے ریفر کیا گیا ہے ۔ تمام افغان باشندوں کو صحت کی مفت دیکھ بھال اور ادویات مہیا کی جارہی ہیں

ضلع خیبر کے جمرود تحصیل میں ڈائریکٹوریٹ جنرل امیگریشن اینڈ پاسپورٹ کے جانب سے پہلی بار ریجنل پاسپورٹ آفس کھول دیا گیا ہے۔

 محکمہ داخلہ ذرائع کے مطابق ضلع خیبر میں ڈائریکٹوریٹ جنرل امیگریشن اینڈ پاسپورٹ کے جانب سے جمرود میں ریجنل پاسپورٹ آفس کھول دیا گیا ہے جہاں پر اب ضلع خیبر کے عوام پشاور جانے کی بجائے اپنے ہی ضلع میں نیا پاسپورٹ بناسکے گے اور اپنے پاسپورٹ کی ری نیول کرسکے گے۔جمرود بائی پاس کے قریب ریجنل پاسپورٹ آفس قائم کیا گیا ہے جس پر ضلع خیبر کے عوام نے خوشی کا اظہار کیا ہے اور مطالبہ کیا ہے کہ مزکورہ پاسپورٹ آفس کے ساتھ جلد سے جلد بنک برانچ یا کاونٹر کا قیام بھی عمل میں لایا جائے تاکہ پاسپورٹ بنانے والوں کو پاسپورٹ فیس جمع کرنے کے لئے دور جانے کی بجائے پاسپورٹ آفس میں ہی فیس جمع کرسکے اور عوام سہولت ہو۔

ریجنل پاسپورٹ آفس جمرود انتظامیہ کا کہنا تھا کہ متعلقہ بنک کے ساتھ بات چیت ہوئی ہے اور جلد ہی جمرود پاسپورٹ آفس میں بنک کاونٹر کھول دیا جائے گا۔انہوں نے کہا کہ جمرود بائی پاس کے قریب ٹرائی بیس پر ریجنل پاسپورٹ آفس کھول دیا گیا ہے جہاں پر عوام کو نیا پاسپورٹ بنانے اور پاسپورٹ کی ری نیول کی سہولت فراہم کی جارہی ہے اور جلد ہی اس پاسپورٹ آفس کا باقاعدہ افتتاح کیا جائے گا۔

ایبٹ آباد میں قائم کامسیٹس یونیورسٹی ایبٹ آباد کیمپس میں سٹوڈنٹس ویک 2023 کا انعقاد کیا گیا۔ جس کے مہمان خصوصی کمشنر ہزارہ ڈویژن سید ظہیر السلام،ڈائریکٹر کامسیٹس ایبٹ آباد کیمپس پروفیسر ڈاکٹر محمد معروف شاہ تھے۔ تقریب میں،فکلیٹی،سٹاف سمیت طلباء و طالبات نے بڑی تعداد میں شرکت کی۔کمشنر ہزارہ ڈویژن سید ظہیر السلام نے اپنے خطاب میں کہا کہ کسی بھی ملک کی ترقی اور اس کے نوجوانوں کے ذہنی ارتقا کا اندازہ وہاں کی تعلیمی حالت سے بخوبی لگایا جاسکتا ہے۔ تعلیم صرف درسی کتب اور لیکچر تک محدود نہیں، بلکہ ہم نصابی سرگرمیاں بھی اس کا حصہ ہوتی ہیں، جن سے طلباء کی ذہنی، جسمانی اور اخلاقی نشوونما ہو تی ہے۔انھوں نے مزید کہا کہ مجھے یہ دیکھ کر خوشی  ہوئی ہے کہ کامسیٹس یونیورسٹی  ایبٹ آباد  کی دھرتی پر ایک ایسا ادارہ موجود ہے جو بین الاقوامی طرزِ تعلیم کی خدمات سر انجام دے رہا ہے۔انھوں نے کہا کہ کھیل جسمانی تندرستی کو فروغ دینے ٹیم ورک اور قائدانہ صلاحیتوں کو فروغ دینے میں اہم کردار ادا کرتا کرتے ھیں۔اس موقع پر ڈائریکٹر کامسیٹس ایبٹ آباد کیمپس پروفیسر ڈاکٹر محمد معروف شاہ  نے کہا کہ کیھل اور تعلیم کا چولی دامن کا ساتھ ھے۔ھم چاہتے ھیں کہ ھمارے نوجوان تعمیری سرگرمیوں میں حصہ لیں تاکہ انکی ان کی صلاحیتیں مزید نکھر سکیں۔ ثقافت اور رہن سہن کسی بھی قوم کا سرمایہ ہے اور اس کی حفاظت بھی اسی قوم کی ذمہ داری ہے۔کامسیٹس یونیورسٹی کا شمار دنیا کی بہترین یونیورسٹیز میں ہوتا ہے۔ یہاں پر نہ صرف پورے ملک سے طلباء زیر تعلیم ہیں بلکہ دنیا کے دیگر ممالک سے بھی زیر تعلیم ہیں۔ یہ وہ صلاحیتیں ہوتی ہیں جو نوجوان کی شخصیت و کردار کو مضبوط کرتی ہیں۔طلبا اسکول،کالج میں تقریری مقابلوں میں حصہ لے کر مستقبل کے اچھی مقرر بن سکتے ہیں اور سیاست دان یا معاشرے کا مفید کارآمد ترجمان بن کر معاشرے کے پیچیدہ مسائل کے لئے آواز بھی بلند کر سکتے ہیں۔سٹوڈنٹ سوسائیٹیز نے ہفتہ بھر جاری رہنے والی کھیلوں اور دیگر تقریبات میں بھرپور حصہ لیں گے۔تاریخ بہادری، شجاعت اور محبت و امن کا درس دیتی ہے۔ تقریب کے آخر میں کیمپس ڈائریکٹر پروفیسر ڈاکٹر محمد معروف شاہ نے مہمانِ خصوصی کمشنر ظہیر السلام کو یادگاری شیلڈ پیش کی۔

حکومت پاکستان کی جانب سے دی گئی ڈیڈلائن کے بعد پاکستان میں غیرقانونی طور پر مقیم باشندے طورخم کے راستے افغانستان واپس جا رہے ہیں۔

اس سلسلہ میں لنڈی کوتل میں ٹرانزٹ کیمپ قائم کیا گیا ہے جہاں پر غیر قانونی طور پر رہائش پذیر افراد کے کوائف اور دیگر قانونی تقاضے پورے کرنے کے بعد واپس اپنے ملکوں کو بھیجا جا رہا ہے۔کیمپ میں غیر ملکیوں کے لئے تمام ضروری سہولیات فراہم کی گئی ہیں تاکہ انہیں باعزت طریقہ سے واپس اپنے ملک بھیجا جائے۔

کیمپ میں غیر قانونی افغان باشندوں کی آمد کے بعد نادرہ کے اہلکار بائیومیٹرک کے ذریعہ خاندان کے سربراہ کے کوائف جمع کرتے ہیں، جس کے بعد کسٹمز کے متعین اہلکار ضروری کاروائی مکمل کرتے ہیں، جس کے لئے کسٹمز کی خواتین اہلکار بھی تعینات کی گئی ہیں۔

کسٹمز کی جانب سے مکمل تلاشی کے بعد غیر قانونی افغان شہریوں کو ایف آئی اے کے تعینات اہلکاروں کے پاس بھیجا جاتا ہے جہاں پر ان کی مکمل کاغذی کاروائی مکمل کی جاتی ہے۔تمام ضروری قانونی کاروائ کے بعد ان غیر ملکیوں کو گورنمنٹ کی جانب سے مہیا کی گئی  سپیشل گاڑیوں میں طورخم بارڈر پر دوبارہ ضروری قانونی کاروائی مکمل کر کے افغانستان بھجوایا جاتا ہے۔غیر قانونی طور پر مقیم افغان باشندے پاکستان میں قیام کے بعد اپنا گھریلو سامان بھی ٹرکوں اور کنٹینز میں افغانستان منتقل کر رہے ہیں۔ جس کے لئے یہ تمام سامان بھی طورخم بارڈر پر قائم ٹرمینل پر ایک سپیشل سکینر کے ذریعہ چیک کیا جاتا ہے۔ سامان کی مکمل تلاشی کے بعد گاڑی کو طورخم بارڈر سے افغانستان بھجوایا جاتا ہے۔حکومت پاکستان، پاک فوج، فرنٹیئر کور نارتھ اور دیگر ادارے غیر ملکیوں کی باعزت واپسی کے لئے سرگرم ہیں اور تمام غیر قانونی طور پر رہائش پذیر غیر ملکیوں کی واپس تک مصروف عمل رہیں گے۔

شمالی وزیرستان کے تحصیل میران شاہ میں خواتین کو بلاصلاحیت، ہنرمند اور بااختیار بنانے کیلۓ وومن ووکیشنل ٹریننگ کے ڈی جی سکلز پروگرام میں مختلف کورسز کا اہتمام کیا گیا ہے۔اس سنٹر میں اس وقت ایک سو پانچ (105) خواتین مختلف کورسز جیسے دستکاری اور سلائی کڑاہی میں (25) ، امبرایڈی (25) ، ٹلرنگ (25)، اور کمپیوٹر (30)کے کورسز میں حصہ لے رہی ہے۔خواتین کو جدید ترین ہنر سے آراستہ کرنے کیلۓ تمام تر وسائل بروۓ کار لاۓ جا رہے ہے۔ کورسز میں کامیاب خواتین کو ورچول یونیورسٹی سے فری لانسنگ ، ڈیجیٹل مارکیٹنگ ، کمیونیکیشن اور سوفٹ سکلز اور کرییٹو رائٹنگ میں سرٹیفیکیٹ بھی دیئے جائیں گے۔کورسز میں حصہ لینے والی خواتین سے گھر کی دستک پر اس تربیتی کورسز سے فائدہ اٹھاتے ہوۓ مختلف قسم کے کام کاج کے نمونے بھی تیار کۓ ہے۔شمالی وزیرستان کے خواتین اور بالخصوص علاقے کے مشران نے پاک فوج کے اس احسن اقدام پر شکریہ ادا کیا۔