Daily Archives: November 13, 2023

ملک بھر سے فنکاروں،ہنرمندوں اور گلوکاروں کو یکجا کرنے کا مقصد ملک کے مختلف صوبوں اور شہروں کی ثقافت کو ایک جگہ پیش کرناتھا، صوبائی وزیرثقافت سید جمال شاہ
خیبرپختونخواکلچراینڈٹورازم اتھارٹی کی جانب سے 30سے زائد ہنرمندوں کے سٹالز سجائے گئے، خیبرپختونخوا نے میلے میں لگاتار دوسری بار ملکی سطح پر ایوارڈ اپنے نام کیا۔

نیشنل ہیریٹیج اینڈ کلچر ڈویژن اسلام آباد کے زیراہتمام دس روزہ فوک فیسٹیول آف پاکستان لوک میلہ تمام تر رعنائیوں کیساتھ اختتام پذیر ہوگیا۔خیبرپختونخوا کلچراینڈٹورازم اتھارٹی کی جانب سے سجائے گئے خیبرپختونخوا پویلین نے لگاتار دوسری مرتبہ تمام صوبوں پر برتری حاصل کرتے ہوئے بہترین پویلین کا ایوارڈ اپنے نام کرلیا۔ اختتامی تقریب کے مہمان خصوصی وفافی وزیر ثقافت و قومی ورثہ سید جمال شاہ تھے۔ ان کے ہمراہ سیکرٹری قومی ثقافت و ورثہ حمیرہ احمد، منیجر کلچراینڈٹورازم اتھارٹی سجاد حمید، منیجر ایونٹس اینڈ پروکیورمنٹ حسینہ شوکت سمیت دیگر اہم شخصیات موجود تھیں۔ تقریب سے خطاب کرتے ہوئے وفاقی وزیر سید جمال شاہ نے کہاکہ تمام پویلین نے بہترین طریقے سے اپنے پویلین سجائے تھے۔ یہ 42واں میلہ ہے جو اسلام آباد میں منعقد کیا جا رہا ہے جو کہ اب اسلام آباد کی پہچان بن گیا ہے۔ ہماری ثقافت 9ہزار500سال پرانی ہے جس پر ہمیں فخر ہے اور دنیا میں اس کی پہچان ہے۔ملک بھر سے فنکاروں،ہنرمندوں اور گلوکاروں کو یکجا کرنے کا مقصد ملک کے مختلف صوبوں اور شہروں کی ثقافت کو ایک جگہ پیش کرناتھا۔دس روزہ میلے میں خیبرپختونخوا کلچراینڈٹورازم اتھارٹی کی جانب سے بھی خیبرپختونخوا کی سیاحت و ثقافت کی رونمائی کیلئے پویلین سجایاگیا تھا جس میں 30 سے زائد ہنرمندوں پر مشتمل دستکاری اور ثقافتی سٹالز سجائے گئے تھے۔میلے کی اختتامی تقریب پر خیبرپختونخوا کے 6ہنر مندوں اورفنکاروں کو بہترین ثقافت کی رونمائی پر ایوارڈ سے نوازا گیا۔جن میں محمد کاشف چارسدہ چپل، وسیم لیکر آرٹ، سید عابد شاہ گندم کے تنکے کا آرٹ، نسیم اختر جستی کا کام، ایمل خان ہارمونیم پلیئر اور عزیر احمد رباب پلیئر شامل تھے۔ میلے میں خیبرپختونخوا سمیت سندھ، بلوچستان، پنجاب، گلگت بلتستان اورآزاد کشمیر کے پویلین بھی موجود تھے۔لوک میلہ میں خیبرپختونخوا پویلین ملکی و غیر ملکی سیاحوں کی توجہ کا مرکز بنارہا۔ ٹورازم اتھارٹی کی جانب سے ایبٹ آباد، ڈی آئی خان، چارسدہ، ہری پور، صوابی، پشاور، چترال، مانسہرہ، سوات اور ضم شدہ اضلاع کے کاریگروں کی مصنوعات کی نمائش کیلئے 30 سے زائد دستکاری و ثقافتی اشیاء کے اسٹالز لگائے گئے ہیں جبکہ ساتھ ہی ساتھ خیبرپختونخوا کے روایتی کھانے پینڈا، چپلی کباب، تکہ بوٹی، چکن بوٹی، مٹن کڑائی سمیت ایف سی خٹک ڈانس اور رباب موسیقی شامل تھا۔میلہ میں شرکت کا مقصد صوبے کا سافٹ امیج پیش کرنا، دنیا کو صوبے کے بھرپور ثقافتی اور روایتی ورثے سے آگاہ کرنا اور صوبے کے فنکاروں کی سپورٹ کرنا تھا۔خیبرپختونخوا پویلین کارخ کرنے والے شرکاء روایتی کھانوں کے سٹالز پر مختلف علاقوں کے کھانوں سے لطف اندوز ہوتے رہے۔ پویلین کا خاص بات مشہور قصہ خوانی بازار تھا جہاں زائرین خیبرپختونخوا کی تاریخ جاننے کیساتھ ساتھ قہوہ پی کے لطف اندوز ہوتے رہے۔ پویلین میں آویزاں روایتی اشیاء میں مومی پینٹنگز، مٹی کے برتن، مغل آرٹ، چارسدہ چپل اور کھڈی، لکڑی کا کام، چترالی ٹوپی، پتھر اور شیشے کی نکاشی، ہزارہ پھلکاری اوربیگ، سواتی شال، ٹرک آرٹ، پتھر کی موزیک، خطاطی، خشک میوہ جات، گنے کا رس اور روایتی اشیاء شامل تھیں۔ پویلین میں مختلف سیاحتی مقامات اور کے پی کے روایتی کھانوں کی ویڈیوز اور ڈاکومنٹریزبھی دکھائی جاتی رہی۔پویلین میں ضم شدہ اضلاع اور کیلاش پویلین بھی سجایا گیا جہاں کیلاشی اشیاء کی نمائش اور کیلاش کی ثقافت کے بارے میں معلومات فراہم کی گئی۔

خیبر پختونخوا میں 23 ہزار غیر قانونی طور پر مقیم غیر ملکی رہ گئے محکمہ داخلہ نے میپنگ مکمل کرلی ۔

محکمہ داخلہ خیبر پختونخوا کے مطابق پشاور میں سب سے زیادہ ساڑھےسترہ ہزار غیر قانونی غیر ملکی موجود ہیں. میپنگ ڈیٹا کے مطابق خیبرپختونخوا کےگیارہ اضلاع میں ایک بھی غیر ملکی موجود نہیں ہے. ضلع خیبر میں1500، وزیرستان 550، مہمند 300،ہری پور میں 314  غیر قانونی طور پر غیر ملکی مقیم ہیں۔

خیبر پختونخوا میں 23 ہزار غیر قانونی طور پر مقیم غیر ملکی رہ گئے پشاور میں سب سے زیادہ ساڑھے17 ہزار غیر قانونی غیر ملکیوں کی موجود ہیں، محکمہ داخلہ

چارسدہ:نگران وزیراعظم انوارالحق کاکڑمرحوم نگران وزیراعلی محمد اعظم خان کی رہائش گاہ پہنچ گئے

چارسدہ:نگران وزیراعظم انورالحق کاکڑ کیساتھ کابینہ کےدیگر ارکان بھی موجود

چارسدہ : نگران وزیر اعظم کی مرحوم وزیر اعلی محمد اعظم کی وفات پرفاتحہ خوانی

حسن خیل ، پشاور میں نوجوانوں کو باصلاحیت ، ہنرمند اور بااختیار بنانے کیلۓ  گورنمنٹ ہائی سکول شمشاتو میں ڈیجیٹل سکلز پروگرام کی بنیاد رکھی گئی ہے ۔ پروگرام کے تحت نوجوانوں کو مختلف کورسز میں تربیت دی جائے گی ۔ اس پروگرام کا مقصد علاقے کے نوجوانوں کوڈیجیٹل اکانومی اور ڈیجیٹل ورک فورس بڑھانا ہے ۔ سنٹر میں اس وقت ساٹھ سے ذیادہ طلباء مختلف کورسز میں تربیت حاصل کررہے ہیں  ۔ سنٹر میں سٹیٹ آف دی آرٹ کمپیوٹر لیب بھی قائم کی گئی ہے ۔ اس سلسلے میں خواتین کو جدید ترین ہنر سے آراستہ کرنے کیلۓ فیز ٹو میں اس پروگرام  کے دائرہ کار کو توسیع دی جائے گی ۔ نوجوان بالخصوص خواتین کو بااختیار بنانے کیلۓ پاک فوج صوبائی حکومت کے ساتھ ملکر تمام تر وسائل بروے کار لائے گی ۔ حسن خیل علاقے کے مشران بالخصوص نوجوانوں نے پاک فوج کے اس احسن اقدام پر شکریہ ادا کیا۔

ایبٹ آباد.نگران وزیر اعلی خیبر پختون خوا جسٹس ریٹائرڈ سید ارشد حسین شاہ کا تعلق ایبٹ آباد کے گاؤں دکھن سیداں یو سی سربھنہ حالیہ یونین کونسل میر پور میرا سے ہے ۔سید اصغر حسین شاہ کے صاحبزادے ہیں۔ ان کے چچا ذاد بھائی سید سلطان شاہ کاکول کے ناظم بھی رہ چکے ہیں۔ سید ارشد حسین شاہ نے ابتدائی تعلیم ایبٹ آباد سے حاصل کی اور کراچی سے قانون کی ڈگری حاصل کرکے ایبٹ آباد بار کے عہدیدار بھی رہے۔ بعد ازاں وہ ایڈیشنل اٹارنی جنرل پشاور اور اسلام آباد تعینات بھی رہے ۔ وہ بطور چیف جج شمالی علاقہ جات گلگت بلتستان بھی خدمات سرانجام دے چکے ہیں۔ ان کو صوبائی کابینہ میں بطور صوبائی وزیر مذہبی امور شامل کیا گیا ۔سید ارشد شاہ انتہائی محنتی ہیں ۔سید ارشد حسین شاہ سادات خاندان کے چشم چراغ ہیں۔ ان کے چھوٹے بھائی سید نظر حسین شاہ خیبر پختونخوا کے سیکرٹری ماحولیات ہیں ۔ ایک بھائی سید اختر حسین شاہ سینئر بیورو کریٹ دوسرے بھائی سید اظہر حسین شاہ نیشنل بنک کراچی کے وائس پریزیڈنٹ ہیں۔ان کے چھوٹے بھائی سید ندیم شاہ بخاری محکمہ پولیس میں بطور ڈی آئی جی پنجاب خدمات سرانجام دے رہے ہیں۔سید ارشد حسین شاہ بڑے دھیمے مزاج کے اعلی اخلاق اور اقدار کے مالک ہیں۔خاندانی زرائع کے مطابق ان پر قسمت کی دیوی شادی کے بعد مہربان ہوئی اور ترقی کے زینے طے کرتے گئے۔انہوں نے اپنے والدین اور بالخصوص ان کی ایک ہمشیرہ معذور ہیں جن کی انہوں نے بڑی خدمت کی ہے۔ان کی بطور نگران وزیر اعلی نامزدگی ایبٹ آباد کے لئے اعزاز ہے ۔اس سے پہلے سابق وزیر اعظم شہید ذوالفقار علی بھٹو کے دور حکومت 1977میں ایبٹ آباد سے اقبال خان جدون بھی چند ماہ وزیر اعلی کے طور پر خدمات سرانجام دے چکے ہیں۔وہ عدم اعتماد کی تحریک میں عہدہ سے سبکدوش ہوئے ان کی جگہ آفتاب احمد خان شیرپاؤ وزیر اعلی منتخب ہوئے ۔اسی طرح راجہ سکندر زمان خان جن کا تعلق ہری پور سے تھا وہ سینئر سیاستدان تھے .نگران وزیر اعلی رہے ۔سردار مہتاب احمد خان جن کا تعلق ایبٹ آباد سے تھا ڈھائی سال وزیر اعلی سرحد رہے ان کا دور لوگ یاد کرتے ہیں۔سید ارشدحسن شاہ پر قسمت کی دیوی مہربان ہوئی ہے ان کی نامزدگی سے ایبٹ آباد کی عزت ہے امید کی جاتی ہے ارشد حسین شاہ ایبٹ آباد کے جو دیرینہ مطالبات اور مسائل حل کریں گے ۔ان سے لوگوں کی بڑی امیدیں وابستہ ہوئی ہیں ۔ان کے پاس ڈھائی ماہ اختیارات ہیں۔نئی حکومت کے قیام تک زمہ داری نبھائیں گے ایبٹ آباد کی محرومیوں کا ازالہ کرینگے۔ارشد حسین شاہ بڑے مدبر ،دھیمے مزاج اعلی اخلاق اور کردار کے مالک ہیں انہوں نے صاف و شفاف ذندگی گزاری ان کے دامن پر کسی قسم کا کوئی داغ نہیں ہے۔