Daily Archives: November 15, 2023

گورنمنٹ گرلز مڈل سکولز پشاور کے مابین تقریری مقابلے میں مڈل سکول گل آباد کی حسنہ نے پہلی پوزیشن حاصل کی.

گورنمنٹ گرلز مڈل سکولز پشاور کے مابین تقریری مقابلے گورنمنٹ گرلز مڈل سکول لاہوری گیٹ میں منعقد ہوئے جس میں ڈسٹرک پشاور کے تقریبا سترہ سکولز طالبات شریک ہوئے جس میں گورنمنٹ مڈل سکول کریمپورہ ۔گلبہار۔ گل آباد ۔زریاب ۔ ڈھکی منور شاہ ۔ گل بادشاہ جی ۔ہزار خوانی ۔ آسیہ گیٹ۔ چمکنی۔ جہانگیر پورہ ۔ لاھوری گیٹ ۔ گلشن رحمان ۔ دارمنگی ۔ سیدہ زینب ۔کینٹ نمبرا۔ چغلپورہ ۔باڑہ گیٹ کے سکولز نے حصہ لیا ۔ججز کے فرائض ریاض اختر۔اور شرفنصہ دیگر ممبران میںگرلز مڈل سکولز سپورٹس کمیٹی کے ممبران میں ایکزیگٹیو ممبر مس مہر انگیز ۔عزرہ کاظمی ۔مس خالدہ ۔ارم عبرین ۔نے پروگرام کی خوش اسلوبی سے فرائض انجام دیتے جس میں گورنمنٹ مڈل سکول گل آباد کی حسنہ نے پہلی پوزیشن ۔جبکہ گورنمنٹ گرلز مڈل سکول زریاب نے دوسری اور مہک اور مناحل نے تیسری پوزیشن حاصل کی ۔پروگرام کے احتتام پر ڈی ڈی او راعنہ گل نے پوزیشن ہولڈرز بچوں میں تعریفی اسناد تقسیم کئے پر وگرام کے آخر میں ڈی ڈی او راعنہ گل نے گورنمنٹ گرلز مڈل سکول لاہوری گیٹ کے ایڈمسٹرس فرح دیبہ کے پروگرام کے بہترین انتظامات کو سراہا

چیف پشاور ہائی کورٹ جسٹس ابراہیم خان نے گزشتہ روز ڈسٹرکٹ بار کونسل صوابی سے خطاب کرتے ہوئے کہا کہ سب سے پہلے ایک جج کےلئے تقوٰی دار ہونا بہت ضروری ہے۔ موجودہ حالات میں ایک چیف جسٹس پر بہت زیادہ ذمہ داریاں ہوتی ہیں۔ چیف جسٹس نے وعدہ کیا کہ صوابی میں کوئی بھی جج بغیر میرٹ کے تعینات نہیں ہوگا اور اسکے لئے انٹرویوز جاری ہیں۔ انہوں نے کہا کہ صوابی کے وکلاء صاحبان جیسے قابل اور تجربہ کار اپنے 31 سالہ سروس میں نہیں دیکھے۔
انہوں نے کہا کہ 35 گرام منشیات میں مہینوں قید کی سزا کاٹ رہے ہیں ججز سے اپیل ہے کہ اتنے کم منشیات میں فضول سزائیں نہ سنائیں۔ اس موقع پر چیف جسٹس نے تحصیل رزڑ اور صوابی کے لئے خصوصی فیملی کورٹ سول جج کی منظوری دی اور کہا کہ 10 دنوں میں پوسٹنگ ٹرانسفر ہوگی۔ چیف جسٹس نے کہا کہ ان کی دیرینہ خواہش ہے کہ صوابی بار میں ایک ہائی کورٹ بینچ ہو تو انشاءاللہ کل سے اس پر کام شروع کرونگا۔
اپنے دورے کے دوران جسٹس محمد ابراہیم خان نے بار روم ہال کےلئے بیوٹی فیکیشن فنڈز کےلئے سی۔این۔ڈبلیو کے ساتھ مشاورت کرنے اورسیشن جج سے بار روم کے فرنیچر کےلئے درخواست لکھنے کےلئے کہہ دیا ہے جس کے بعد فرنیچر کےلئے فنڈ مہیا کردیا جائے گا۔ انہوں نے ائیبریری کےلئے 5 کمپیوٹرز کی بھی منظوری دی۔ چیف جسٹس نے وکلاء اور ججز کو تلقین کی کہ ایک دوسرے کی اتنی عزت اور قدر کریں جتنی میری کرتے ہیں۔

کیتھولک چرچ ایبٹ آباد میں اقلیتی مذہبی رہنماؤں کے لیے اعزازی چیکس کی تقسیم کی تقریب منعقد ہوئی جس میں ڈپٹی کمشنر ایبٹ آباد خالد اقبال نے خصوصی شرکت کی۔ پروگرام میں صوبائی محکمہ اوقاف پشاور کی جانب سے ڈپٹی کمشنر ایبٹ آباد نے پندرہ ( 14 عیسائی، 1 ہندو مذہبی نمائندہ) اقلیتی مذہبی نمائندوں میں 30 ہزار فی کس کے مطابق اعزازیہ کے چیک تقسیم کیے۔ تفصیل کے مطابق ڈپٹی کمشنرایبٹ آباد اس موقع پراسسٹنٹ کمشنر ایبٹ آباد ثقلین سلیم ڈپٹی ایڈمنسٹریٹر اوقاف، مذہبی رہنماوں اور اقلیتی نمائندوں نے شرکت کی۔

عالمی سطح پر ہر سال 14 نمبر کو عالمی ذیابطیس دن منایا جاتا ہے جس کا مقصد عوام میں ذیابطیس مرض سے بچاؤ اور احتیاطی تدابیر کے بارے میں آگاہی پھیلانا ہے اسی اسناء میں خیبر ٹیچنگ ہسپتال کے پیڈز اور اینڈوکرینالوجی شعبہ جات کی جانب سے او پی ڈی میں مفت کیمپ لگائے گئے تھے. جہاں پر 200 بچوں سمیت 102 مرد و خواتین کا مفت معائنہ کرایا گیا۔ کیمپ کی سربراہی ڈاکٹر صباحت امیر جو چیئر پرسن ہے پیڈز وارڈ کی، ڈاکٹر شازیہ بہار اور ڈاکٹر سلیمان الہی ملک اینڈوکرینالوجی نے کی، فری شوگر کیمپ میں نہ صرف ادویات اور معائنہ کیے بلکہ لوگوں میں شوگر کے مرض سے بچاؤ کے حوالے سے آگاہی بھی فراہم کی گئی جس میں احتیاطی تدابیر کے حوالے سے معلوماتی پمفلیٹ اور کتابچے بھی تقسیم کیے۔

ڈاکٹرصباحت امیر کا کہنا تھا کہ پورے صوبے میں سال 2009 سے خیبر ٹیچنگ ہسپتال میں بچوں میں زیابطیس کے حوالے سے مفت علاج فراہم کرنے کی سہولت موجود ہے ان کا مزید کہنا تھا کہ تمام والدین کو کم از کم ان پانچ باتوں کی معلومات ضرور ہونی چاہیے تاکہ ان کو وقت پر پتہ چل سکے کہ ان کے بچے کو زیابطیس کا مرض لاحق ہے جس میں بچے کو بار بار پیاس کا لگنا، بار بار چھوٹے پیشاب کا آنا یا خواب کے دوران پیشاب کا شروع ہو جانا، وزن میں کمی آنا، اور تھکاوٹ محسوس کرنا، ان علامات کی صورت میں بچے کو جلد از جلد ڈاکٹر کے پاس لے جائے تاکہ بروقت تشخیص و علاج ممکن ہو۔
خیبر ٹیچنگ ہسپتال کے ذیابطیس کے ڈاکٹر سلیمان الہی ملک نے اس دن کے حوالے سے کہا کہ عالمی ادارہ برائے ذیابطیس (ائی ڈی ایف) کے 2021 کے سروےکے مطابق پاکستان میں تقریبا 33 ملین افراد کو ذیابطیس کا مرض لاحق ہے مطلب آبادی کے لحاظ سے 26 فیصد آبادی کو ذیابطیس ہیں اور پاکستان میں ہر چار میں سے ایک کو ذیابطیس کا مرض لاحق ہو سکتا ہے اگر ہم اپنے خوراک اور رہن سہن کے طور طریقوں کی حفاظت نہ کرے ۔ ان کا مزید کہنا تھا کہ ہمیں اپنے خوراک کو متوازن کرنے کی ضرورت ہے سبزیوں اور پھلوں کا استعمال زیادہ کرے اور میٹھی چیزوں کا استعمال کم کریں اور روزانہ کی بنیاد پر کم از کم 20 سے 30 منٹ تک ورزش کریں اور اگر کسی کو شوگر ہو تو وہ ڈاکٹر کی ہدایت کے مطابق دوائیاں استعمال کرے اور پرہیز کریں۔

محکمہ موسمیات کی جانب سے خیبرپختونخوا میں آئندہ چند دنوں کے دوران موسم خشک اور سرد رہنے کی پیشگوئی کی گئی ہے جبکہ صوبے کے پہاڑی علاقوں میں کہیں کہیں بادل چاہے رہنے کا امکان ظاہر کیا گیا ہے۔ محکمہ موسمیات کے مطابق کالام میں درجہ حرارت منفی 2 سینٹی گریڈ تک گر گیا اسی طرح دیر اور چترال کا درجہ 2،پاراچنار 4، پشاور 9 کوہاٹ 10 ڈگری سینٹی گریڈ ریکارڈ کی گئی۔