شمالی وزیرستان میں خوشحال خیبر پختونخواہ پروگرام زورو سے جاری،میرانشاہ ،میر علی اور رزمک سمیت تینوں سب ڈویژنوں کے بازاروں اور عوامی مقامات میں نا جائیز تجاوزات کیخلاف آپریشن ،صفائی مہم ،اشیاء خوردونوش کے معیار اور نرخوں کی چیکنگ جاری ھے ،عوامی حلقوں میں پروگرام کی زبردست پذیرائی،اعلی حکام سے پروگرام جاری رکھنے کا مطالبہ۔
خیبر پختونخواہ کے دیگر اضلاع کی طرح شمالی وزیرستان میں بھی خوشحال پختونخواہ پروگرام ڈپٹی کمشنر منظور آفریدی کی نگرانی میں زوروں سے جاری ھے ،روزانہ کے بنیادوں پر ڈپٹی کمشنر خود نگرانی کرکے نہ صرف ھیڈ کوارٹر میرانشاہ بلکہ باقی دو سب ڈویژنز میر علی اور رزمک کے تمام تحصیلوں کے بازاروں اور دور افتادہ علاقوں تک خوشحال پختوانخواہ پروگرام کا دائیرہ بڑھادیاگیا ھے ،جس کی افادیت کے اثرات عام شھری بھی محسوس کرنے لگے،قبائیلی عمائدین اور تاجر برادری رہنماؤں نے خوشحال پختونخواہ پروگرام کو حکومت کی طرف سے ایک اچھا اقدام قرار دیتے ھوئے کہا کہ ایک طویل عرصہ کے بعد نا جائیز تجاوزات کیخلاف آپریشن ،بیشتر علاقوں و بازاروں میں صفائی مہم،انتظامیہ کی طرف سے متعین کردہ نرخوں پر اشیاء خوردونوش کی خرید و فروخت کے ساتھ ساتھ معیار کی چیکنگ روزانہ کی بنیاد پر کی جا رہی ھے ،متعلقہ سرکاری محکمے و افسران پابندی کیساتھ بازاروں اور دیگر عوامی مقامات کے دورے کرکے خلاف ورزی کرنیوالوں کو نہ صرف قانون کے مطابق سزائیں دے رہے ھیں بلکہ کاروبار کو بھی سیل کیا جاتا ھے جس کی وجہ سے مہنگائی،ناقص اشیاء کی فروخت اور ملاوٹ پر کافی حد تک قابو پا لیا گیا ھے،میرانشاہ کی تمام بڑی مارکیٹوں سمیت ،میر علی،رزمک اور دور افتادہ علاقوں سپین وام،شیواہ،غلام خان ،دوسلی ،گڑیوم،دتہ خیل ،دیگان اور محمد خیل تک کے بازاروں میں متعلقہ افسران کے دورے ،نا جائیز تجاوزات کیخلاف آپریشن اور چیکنگ جاری ھے۔واضح رہے کہ آپریشن ضرب عضب کے بعد پہلی بار حکومت کی طرف سے اپنی نوعیت کا یہ پہلا پروگرام ھے جس میں پوری سرکاری مشینری زیر استعمال اور مصروف عمل ھے جسکا عوام کو واضح فائدہ پہنچ رہا ھے اور یہی وجہ ھے کہ سوشل میڈیا ودیگر پلیٹ فارمز پر عوامی حلقوں کی طرف سے خوشحال پختونخواہ پروگرام کو زبردست پزیرائی ملی ھے اور ڈپٹی کمشنر منظور آفریدی کو خراج تحسین پیش کرتے ھوئےمہم کووسعت دینے کا مطالبہ کیا ھے ۔
ارشد خان، ڈی ایس پیز اور دیگر ٹریفک حکام نے شرکت کی۔ اجلاس کے دوران چیف ٹریفک آفیسر ڈاکٹر زاہد اللہ نے ٹریفک حکام کو ہدایت کی کہ وہ غیر رجسٹرڈ موٹر سائیکلوں اور گاڑیوں کیخلاف کاروائیوں کا سلسلہ شروع کریں اور اس سلسلے میں کسی کیساتھ کوئی نرمی نہ برتی جائے ۔ انہوں نے کہا کہ شہر کے مختلف علاقوں اور اہم شاہراہوں پر غیر رجسٹرڈ گاڑیوں اور موٹر سائیکلوں کو چلانے پر پابندی اور حوصلہ شکنی کیلئے باقاعدہ آگاہی مہمات چلانے سمیت جگہ جگہ آگاہی کیلئے بینرز بھی لگا دیئے گئے ہیں۔ انہوں نے کہا کہ شہری پریشانی سے بچنے کیلئے اپنی گاڑیوں اور موٹر سائیکلوں کی رجسٹریشن کروائیں اور غیر رجسٹرڈ گاڑیوں اور موٹر سائیکلوں کو چلانے سے گریز کریں جبکہ مرتکب افراد کیخلاف قانون کے مطابق سخت کارروائی عمل میں لائی جائیگی ۔
پختونخوا کے مشیر صحت ڈاکٹر ریاض انور، سیکرٹری ریلیف عنایت اللہ وسیم اور متعلقہ افسران بھی چیف سیکرٹری کے ہمراہ موجود تھے۔ چیف سیکرٹری کو پہل ہیلپ لائن کے تحت فراہم کی جانے والی سہولیات اور خدمات کے بارے میں تفصیلی بریفنگ دیتے ہوئے بتایا کہ ایمرجنسی، ریسکیو، پولیس، نیشنل ہائی وے اینڈ موٹر وے پولیس سمیت دیگر اہم ہیلپ لائن کو پہل ہیلپ لائن کے ساتھ منسلک کرکے ایک پلیٹ فارم کے ذ ریعے عوام کو تمام ہیلپ لائن تک آسان رسائی فراہم کی جارہی ہے جبکہ مستقبل میں سماجی بہبود، سیر وسیاحت اور سائبر کرائم ہیلپ لائن کو بھی پہل ہیلپ لائن کے ساتھ منسلک کیا جائیگا۔ چیف سیکرٹری نے اس موقع پر متعلقہ افسران کو ہدایت کی کہ ناگہانی حالات میں پہل اور دیگر ہیلپ لائن کا عوام کے لیئے فوری رسپانس ممکن بنایا جائے تاکہ ایمرجنسی حالات میں ممکنہ نقصانات کو کم سے کم کیا جاسکے۔ انہوں نے مزید ہدایت کی کہ مذکورہ ہیلپ لائن کے عملے کو زیادہ سے زیادہ مؤثر اور کارآمد بنانے کیلئے بہترین اور اچھی تربیت دی جائے ان ہیلپ لائن کے قیام کا بنیادی مقصد ایمرجنسی حالات پر قابو پانے اور متاثرہ لوگوں کو موقع پر ریسکیوخدمات فراہم کرنا ہے۔ کیونکہ ناگہانی حالات میں ریسکیو خدمات کی تاخیر سے زیادہ نقصانات کا خدشہ برقرار رہتا ہے۔