پشاور: پاکستان سائیکلنگ فیڈریشن نے 41 ایشین روڈ سائیکلنگ چمپئن شپ جو کہ 25 سے 29 مارچ تک دوشنبے تاجکستان میں منعقد ہو رہی ہے قومی ٹیم کے 6 کھلاڑیوں کے ناموں کا اعلان کر دیا۔ ٹیم کا چناؤ حالیہ نیشنل روڈ چمپئین شپ گوادر کے دوران کیا گیا تھا اور کھلاڑیوں کی بہترین کارکردگی کی بنیاد پرسلیکشن کی گئی تھی۔
سلیکشن کمیٹی نے 12 کھلاڑیوں میں سے 6 کھلاڑیوں کا انتخاب کیا۔
اس میں ایلیٹ ،انڈر 23 اور جونیئر کھلاڑی شامل ہیں۔ پاکستان کی ٹیم ان تین ایونٹ میں شرکت کرے گی جسمیں انفرادی ٹائم ٹرائل اور روڈ ریسز شامل ہیں۔ ٹیم میں علی الیاس، محسن خان، شاہ ولی، افنان عزیز, علی آغا اور یوسف شامل ہیں۔
ٹیم کا کمیپ کراچی میں جاری ہے ٹیم کے ساتھ منیجر کم کوچ نثار احمد اور ساجد ٹیم کے مکینک کے طور پر جائیںگے۔ ایشن سائیکلنگ کنفیڈریشن کا اجلاس جوکہ اس چمپئن شپ کے دوران ہو گا اس میں پاکستان سائیکلنگ فیڈریشن کی جانب سے سید اظہر علی شاہ صدر اور معظم خان جنرل سکریٹری پاکستان کی نمائندگی کریںگے۔ قومی ٹیم 22 مارچ کو دوشنبے تاجکستان کے لئے روانہ ہو گی۔
