شمالی وزیرستان: گزشتہ شب بارڈر پر ناخوشگوار واقعے کے بعد غلام خان گیٹ مکمل بند کر دیا گیا ہے۔ پاک افغان ٹرانزٹ ٹریڈ اور پیدل آمد و رفت سمیت بارڈر ہرقسم کی سرگرمیاں معطل ہو گئیں ہیں۔
بارڈر کی دونوں اطراف سبزیوں، پھلوں اور دیگر تجارتی گاڑیوں کی لمبی قطاریں کھڑی ہیں۔اس کے ردعمل میں پاک افغان تاجر برادری نے غلام خان بارڈر فوری طور پر کھولنے کا مطالبہ کیا ہے۔ اطلاعات کے مطابق گیٹ بندش کی وجہ سے کروڑوں روپے کے پھل اور سبزیاں خراب ہونے کا خدشہ ہے۔
