پشاور:ایف بی آر افسران اور ملازمین کا تنخواہوں،فیول الاؤنس میں اضافے کا مطالبہ کردیا۔ مطالبات تسلیم نہ ہونے پر ملک بھر میں قلم چھوڑ ہڑتال کا عندیہ دے دیا۔ افسران نے ہڑتال کے فیصلے سے چیئرمین ایف بی آر کو تحریری طور پر آگاہ کر دیا۔ ان کا مطالبہ ہے کہ افسران اور ملازمین کا 5بنیادی تنخواہیں بطور سپیشل الاؤنس دی جائیں۔ اورملازمین کے فیول الاؤنس میں 30ہزار روپے اضافے کیا جائے۔
اس سلسلے میں ایف بی آر کے ملازمین اور افسران نے سینیٹ فنانس کمیٹی کو بھی خط لکھ کر ہڑتال بارے آگاہ کر دیا گیا۔ ملازمین کا کہنا ہے کہ وفاقی بجٹ میں تمام اداروں کے ملازمین کی تنخواہوؓں اور الاؤنسز مین ا ضافہ ہوا ہے جبک ایف بی آر ملازمین تنخواہوں الاؤنسز میں اضافے سے محروم ہیں۔ افسران نے ہڑتال کے ساتھ متفقہ لائحہ عمل کے لئے حلف ناموں پر دستخط بھی کر دئیے۔
