شمالی وزیرستان: صوبائی حکومت اور پاک فوج کی ہدایات کی روشنی میں زلزلہ زدگان کی مدد کیلئے 5 ٹرک امدادی سامان غلام خان کے راستے افغانستان روانہ۔ امدادی سامان میں خیمے، فوم اور دیگر ضروری سامان شامل ہے۔ ڈپٹی کمشنر شاہد علی خان کے مطابق مزید امدادی سامان اور میڈیکل ٹیمیں بھی بھیجی جارہی ہیں۔
شمالی وزیرستان؛ محمد اقبال وزیر کل رات سے غلام خان بارڈر پر موجودہیں۔ افغانستان میں زلزلہ متاثرین کو پاکستان منتقل کیا جا رہا ہے۔ تمام ضرورت کا سامان غلام خان بارڈر پہنچا دیا گیا ہے۔
محکمہ ریلیف کی تمام ٹیمیں بھی موجود ہیں اور شمالی وزیرستان اور بنوں کی رسیکیو ایمبولنسز بارڈر سے زخمیوں کو ہسپتال منتقل کر رہی ہیں۔ ڈاکٹر خطیر احمد ڈائریکٹر جنرل ریسکیو1122 کے مطابق ریسکیو1122 نے صوبائی حکومت کے احکامات پر پاک افغان بارڈرز پر اہلکار تعینات کردیے ہیں۔
ریسکیو1122 نے انگور اڈہ، غلام خان اور طورخم پر اہلکاروں کو تعینات کیا ہے اور رسکیو1122 ایمبولینسز میں زخمیوں کو قریبی ہسپتال منتقل کیا جائیگا۔
