پشاور:گزشتہ چوبیس گھنٹوں میں ڈینگی کے مزید 233کیسز رپورٹ ہوئے ہیں۔
صوبہ بھر میں رواں سال مجموعی کیسز کی تعداد 19160ہوگئی ہے۔ 17703ڈینگی سے متاثرہ افراد صحت یاب ہوئے ہیں جبکہ صوبہ بھر میں ایکٹیو کیسز کی تعداد 1442 ہے۔
گزشتہ 24گھنٹوں میں پشاور 103،بنوں سے 35،مردان سے 22 اور صوابی سے 23کیسز رپورٹ ہوئے ہیں۔ گزشتہ 24 گھنٹوں میں مختلف ہسپتالوں میں 26 نئے مریض داخل۔ موجودہ وقت 63 ڈینگی مریض ہسپتالوں میں زیر علاج ہیں۔ خیبرپختونخوا میں ڈینگی سے رواں سیزن میں 15 افراد جاں بحق ہوئے۔
