وزیر اعلیٰ خیبر پختونخوا محمود خان کا پشاور میں متعدد منصوبوں کا افتتاح
وزیر اعلیٰ نے حیات آباد سپورٹس کمپلیکس میں بین اقوامی معیار کے کرکٹ گراؤنڈ کا افتتاح کر دیا۔ کرکٹ گراؤنڈ تقریباً ایک ارب روپے لاگت سے تعمیر کیا جا رہا ہے۔
سٹیڈیم میں بین اقوامی معیار کی سہولیات دستیاب ہونگی اور پی سی بی اور صوبائی محکمہ کھیل کے تعاون سے بین الاقوامی میچز منعقد کیے جائیں گے۔
وزیر اعلیٰ نے لیڈی ریڈنگ ہسپتال میں پانچ ماڈیولر آپریشن تھیٹرز کابھی افتتاح کیا۔ ایل آر ایچ میں مجموعی طور پر 25 آپریشن تھیٹرز پر کام جاری ہے۔
وزیر اعلیٰ نے جدید سہولیات سے آراستہ بینک آف خیبر کے ہیڈ کوارٹر ٹاور کا بھی افتتاح کر دیا۔ منصوبہ 1.29 ارب روپے کی لاگت سے مکمل کیا گیا ہے۔ اس کے علاوہ خیبر کالج آف ڈینٹسٹری میں نئے بلاک اور دیگر سہولیات کا بھی افتتاح کیا گیا۔
