خیبرپختونخوا کے نگران وزراءکو محکمے تفویض کر دیئے گئے۔
تفصیلات کے مطابق سید محسو د شاہ کو اسٹیبلشمنٹ ،ایدمنسٹریشن اور بین الصوبائی محکمہ ،عبدالحلیم کو وزیر زراعت ولائیوسٹاک ،فیشریزاور کوآپریٹو ڈیپارٹمنٹ دیا گیا ہے۔
شاہد خان ٹرانسپورٹ اور آئی ٹی کے وزیر مقرر،جسٹس ریٹائرڈ قیصر ارشاد محکمہ قانون اور پارلیمانی امورکے علاوہ ہائیر ایجوکیشن کا محکمہ بھی دیا گیا۔
محمد علی شاہ کو سی اینڈ ڈبلیو ،بخت نواز خان وزیر ماحولیات وجنگلات کی وزرات ،منظور خان آفریدی ایکسائزاینڈ ٹیکسیشن اور محکمہ لیبر کے وزیر ہوں گے۔
عدنان جلیل کے پاس انڈسٹری ،کامرس،ٹیکنیکل ایجوکیشن اور محکمہ ریونیوکی وزارت ہوں گی،شفیع اللہ خان کو محکمہ ہاوسنگ و محکمہ جیل،:ایڈوکیٹ سوال نذیر لوکل گورنمنٹ الیکشن اور دیہی ترقیاتی محکمہ کا وزیر مقرر کیا گیا۔
فضل الہی کو محکمہ خوراک اور محکمہ آبپاشی کی وزارت،تاج محمد آفریدی کو محکمہ ریلیف کے وزیر مقرر کیا گیا ہے جبکہ باقی تمام محکمے وزیراعلی خیبرپختونخوا کے پاس ہوں گے۔
