خیبرپختونخوا میں کل سے تیز ہواؤں اور بارشوں کا نیاسلسلہ شروع ہونے کاامکان۔
محکمہ موسمیات کے مطابق خیبرپختونخوا میں کل سے تیز ہواؤں اور بارشوں کا نیاسلسلہ شروع ہونے کا امکان ہے اور گرج چمک اور تیز ہواؤں کے ساتھ بارشوں اور ژالہ باری کےپیش نظر ضلعی انتظامیہ کو پیشگی اقدامات اٹھانے کی ہدایات کی گئی ہے۔بارشوں کا سلسلہ وقفے وقفے سے 18 جون تک جاری رہنے کا امکان ہے۔
گرج چمک اور تیز ہواؤں کے ساتھ بارشوں اور ژالہ باری کےپیش نظر ضلعی انتظامیہ کو پیشگی اقدامات اٹھانے کی ہدایات کی ہے۔ ضلعی انتظامیہ کو چھوٹی بھاری مشینری کی دستیابی یقینی بنانے کی ہدایت کی۔
حساس اضلاع کے کاشتکاروں کےلیے ضروری ہدایات جاری کردی گئی ہیں۔کسان پیشن گوئی کو مدنظر رکھتے ہوئے اپنی سرگرمیوں کےلیے مناسب انتظام کریں۔ تیز ہواؤں/ژالہ باری سے فصلوں کو خطرات لاحق ہو سکتا ہے۔ برساتی نالوں کی نگرانی کی جائے۔
حساس بالائی علاقوں میں سیاحوں اور مقامی کمیونٹیز کو ایڈوائزری کی ترسیل یقینی بنائیں۔
پیغامات مقامی زبانوں میں پہنچائے کی بھی ہدایت کی گئی ہے۔ کھڑی فصلوں اور مویشیوں پر پڑنےوالے منفی اثرات سے آگاہی کو یقینی بنائیں۔
تمام متعلقہ لائن ڈیپارٹمنٹس روڈ لنکس کی بحالی میں چوکس رہیں۔سڑک کی بندش سے بچنے کے لیے ٹریفک کے لئے متبادل راستے فراہم کر کئے جائیں۔
انتظامیہ اسپیل کے لیے خصوصی منصوبہ بندی کریں۔حساس علاقوں میں صوبائی اور قومی شاہراہوں پرمسافروں کو پیشگی خبردار کیا جائے۔متعلقہ حکام بوقت ضرورت لوگوں کومحفوظ انتظار گاہوں میں منتقل کریں۔
اسپیل کے دوران درجہ حرارت قدرے کم ہونے کا امکان ہے۔ اسپیل میں ہنگامی خدمات کے اہلکاروں کی دستیابی یقینی بنائیں۔ طوفان کی صورت عوام بجلی کی تاروں، کمزور تعمیرات، سایئن بورڈز اور بل بورڈز سے دور رہے۔
سیاحوں کو موسمی صورت حال سے آگاہ کرنے کی ہدایت کی گئی اور سیاحوں کو دوران سفر خصوصی احتیاطی تدابیر اختیار کرنے کا کہا گیا ہے۔
پی ڈی ایم اے کا ایمرجنسی آپریشن سنٹر مکمل طور پر فعال ہے، عوام معلومات اور رہنمائی کے لیے ہماری ہیلپ لائن 1700 پر رابطہ کرنے کی ہدایت۔
