بینظیر ویمن یونیورسٹی اور دوستی ویلفئیر ارگنائزیشن کے مشُترکہ تعاون سے ضلعی کونسل ہال پشاور میں پہلے تین روزہ دوستی پشاور ویمن لٹریری فیسٹیول کا آغاز ہو گیا۔ یہ ادبی میلہ اپنی نوعیت کا پہلا تقریب ہے جس کا مقصد خواتین لکھاریوں، کتاب سے رغبت رکھنے والے خواتین کو ایک پلیٹ فارم فراہم کرنا اور اس کے انعقاد سے ادب میں خواتین کے کردار کو اُجاگر کرنا ہے۔ ویمن لٹریری فیسٹیول میں 29 لکھے گئے کتابوں پر تبصرے ہونگے جس کا ایک مقصد خواتین کو ادب اور کُتب بینی کے قریب لانا ہے۔ تقریب میں پروین اعظم خان بطور مہمان خصوصی اورمئیر پشاور حاجی زُبیر بطور گیسٹ آف آنر شریک رہے۔
ادبی میلے کے آغاز میں وائس چانسلر بینظیر ویمن یونیورسٹی پروفیسر ڈاکٹر صفیہ نے شرکا کو باقاعدہ خوش آمدید کہا۔ اس میلے میں 50 مُختلف سیشن مُختلف مقامات پر ہونے ہیں جس میں صوبہ بھر سے خواتین لکھاری اور ادب سے اُنسیت رکھنے والی خواتین شرکت کررہی ہیں۔
فیسٹیول میں پشتو، اردو، ہندکو سمیت دیگر علاقائی زبانوں کے خواتین شرکا شرکت کررہے ہیں جنہوں نے اس طرح کے تقاریب کے انعقاد کی اہمیت پر روشنی ڈالی۔ اسی طرح معروف ٹی وی و ریڈیو اینکر و مصنفہ بُشری فرخ نے ادب میں خواتین کی منظر کشی پر روشنی ڈالی۔
