چترال: نگر بی ایچ یو فلڈ ایفیکٹڈ ری ہیبلیٹیشن پروجیکٹ کا افتتاح

یونیسیف کے تعاون سے مکمل ہونے والے “نگر بی ایچ یو فلڈ ایفیکٹڈ ری ہیبلیٹیشن پروجیکٹ” کا افتتاح کیا گیا۔ اس سلسلے میں بی ایچ یو نگر دروش لوئر چترال میں ایک مختصر تقریب کا انعقاد کیا گیا ۔جس میں ڈسٹرکٹ ہیلتھ آفیسر لوئر چترال ڈاکٹر فیاض رومی اور تحصیل چیئرمین دروش فرید جان ایڈوکیٹ نے شرکت کی ۔ اس کے علاوہ یونیسیف پشاور کنسلٹنٹ ٹیم اور انڈس انٹرپرینیور پشاور ٹیم کے انجینئرز نے شرکت کی۔ اس موقع پر ڈی ایچ او لوئر چترال ڈاکٹر فیاض رومی اور تحصیل چیئرمین دروش فرید جان ایڈوکیٹ نے فیتہ کاٹ کر نئے گائناکالوجی یونٹ, 3 کلوواٹ سولر سسٹم، روڈ ورک ، ڈرین ورک اور او پی ڈی کے فنشنگ ورک کا افتتاح کیا ۔ اس موقع دونوں نے کام کے معیار کو بے حد سراہا اور یونیسف ٹیم کا شکریہ ادا کیا ۔ واضح رہے کہ یونیسیف کی کوششوں سے نگر بی ایچ یو میں ڈیلیوری کیسز کو بہتر طریقے سے انجام دینے کے لیے نئے یونٹ بنائے گئے کیونکہ اس سے قبل وہاں پر ڈیلیوری کیسز کی سہولیات میسر نہیں تھے جسکی وجہ سے وہاں کے لوگوں کو ٹی ایچ کیو ہسپتال دروش جانا پڑتا۔