ایبٹ آباد پہلا ڈپٹی کمشنر والی بال ٹورنامنٹ، ڈپٹی کمشنر کوہستان لوئر کی بطور مہمان خصوصی شرکت
ڈپٹی کمشنر کوہستان لوئر طارق محمود نے بطور مہمانِ خصوصی پہلے ڈپٹی کمشنر والی بال ٹورنامنٹ میں شرکت کی۔ یہ ٹورنامنٹ ڈسٹرکٹ اسپورٹس ڈیپارٹمنٹ کوہستان لوئر کے زیر اہتمام منعقد کیا گیا۔ جس میں مختلف ٹیموں نے حصہ لیا۔ اس موقع پر ڈسٹرکٹ اسپورٹس آفیسر محمد عالم سمیت دیگر معززین اور شائقینِ کھیل کی بڑی تعداد موجود تھی۔
ٹورنامنٹ کے سنسنی خیز فائنل کے بعد ڈپٹی کمشنر کوہستان لوئر نے جیتنے والی اور رنر اپ ٹیموں میں انعامات تقسیم کیے اور کھلاڑیوں کی کارکردگی کو سراہا۔ڈپٹی کمشنر کوہستان لوئر نے ڈسٹرکٹ اسپورٹس آفیسر کو ہدایت کی کہ وہ آئندہ بھی اس طرح کی صحت مند سرگرمیوں کا انعقاد یقینی بنائیں تاکہ نوجوانوں کو مثبت اور تعمیری سرگرمیوں کی جانب راغب کیا جا سکے۔ انہوں نے اسپورٹس ڈیپارٹمنٹ کی کاوشوں کو سراہتے ہوئے امید ظاہر کی کہ مستقبل میں بھی کھیلوں کی سرگرمیوں کو فروغ دینے کے لیے مزید اقدامات کیے جائیں گے۔
