گورنر ہاؤس پشاور میں تیسرا پبلک ڈے; شہریوں کے مسائل و شکایات سنے

تیسرے پبلک ڈے کے موقع پرگورنر ہاؤس پشاور میں شہریوں کی بھاری تعداد کی آمد, گورنر خیبر پختونخوا فیصل کریم کنڈی نے اوپن پبلک ڈے پر گورنر ہاؤس میں شہریوں کے مسائل و شکایات سنے۔ پشاورسمیت صوبہ بھر سے شہریوں کی بڑی تعداد نے گورنر خیبر پختونخوا کو اپنے مسائل و شکایات سے آگاہ کیا۔ شہریوں نے وفاقی و صوبائی محکموں سمیت دیگر معاشرتی و سماجی مسائل سے متعلق گورنر خیبر پختونخوا کو تحریری و زبانی مسائل بتائے۔ گورنر نے بعض شکایات پر فوری احکامات صادر کئے، بعض مسائل و شکایات کو متعلقہ محکموں کو بجھوا دیا۔ شہریوں کے مسائل و شکایات کے حل کیلئے گورنر ہاؤس میں اوپن پبلک ڈے کا انعقاد جاری ہے۔ عوامی مسائل و شکایات کے حل کیلئے شہریوں کیلئے ایک دن مختص رکھتا ہوں۔ پبلک ڈے میں عوام کے درمیان موجود رہنا اور انکے مسائل کا حل کرنے سے دلی خوشی محسوس ہوتی ہے۔