محکمہ صحت کے مطابق خیبرپختونخوا میں ایم پاکس کے دو نئے کیسز سامنے آئے ہیں۔ متاثرین میں پشاور سے تعلق رکھنے والے ایک 42 سالہ اور ایک 20 سالہ نوجوان شامل ہیں۔ 20 سالہ نوجوان کا کیس مقامی ہے، جبکہ 42 سالہ شخص گزشتہ سال سعودی عرب سے واپس آیا تھا۔ دونوں مریض خیبر ٹیچنگ ہسپتال میں علاج کے لیے گئے جہاں ٹیسٹ کے بعد ایم پاکس کی تصدیق ہوئی۔ مشیر صحت احتشام علی نے بتایا کہ دونوں مریضوں کو گھر پر آئیسولیٹ کر دیا گیا ہے، اور متاثرہ مریضوں کے گھر والوں میں کسی میں بھی علامات نہیں پائی گئیں۔