کوہاٹ: پاک فوج کیجانب سےفٹبال ٹیلنٹ ہنٹ ٹورنامنٹ کا انعقاد

کوہاٹ میں پاک فوج کی جانب سے ضم اضلاع سے انڈر 16 فٹبال ٹیلنٹ ہنٹ ٹورنامنٹ کا انعقاد کیا گیا۔ ضم اضلاع سے کل 8 ٹیموں نے مقابلوں میں حصہ لیا۔ ضم اضلاع سے شمالی و جنوبی (اپر اور لوئر) وزیرستان, باجوڑ، مہمند، خیبر، اورکزئ اور کرم کی ٹیموں نے حصہ لیا۔ سخت مقابلوں کے بعد مہمند کی ٹیم فاتح جبکہ شمالی وزیرستان کی ٹیم رنراپ قرار پائی۔ جیتنے والی 2 ٹیموں کو پاک آرمی فٹبال ڈیویلپمنٹ کیلئے منتحب کر لیا گیا ۔مقامی کمانڈر نے کھلاڑیوں کی حوصلہ افزائی کیلئے ان میں انعامات تقسیم کیے۔ مقابلوں کا مقصد نصابی سرگرمیوں کے ساتھ ساتھ نوجوانوں میں کھیلوں کا روجحان پروان چڑھانا تھا ۔ حصہ لینے والے نوجوانوں اور علاقہ مشران نے پاک فوج کی جانب سے ٹورنامنٹ کے انعقاد پر شکریہ ادا کیا ۔