تپ دق بیماری کی روک تھام اور اس کے علاج کے لئے ضلع مردان میں کئیے گئے اقدامات کو اجاگر کرنے کے حوالے سے ایسوسی ایشن فار کمیونٹی ڈیولپمنٹ نے رائل ریسٹورنٹ مردان میں سالانہ ہیلتھ سمپوزیم کا انعقاد کیا گیا۔ اس تقریب کی صدارت ڈاکٹر شعیب، ڈسٹرکٹ ہیلتھ آفیسر (ڈی ایچ او) مردان اور ڈاکٹر صادق، ڈسٹرکٹ ٹی بی کے فوکل پرسن اور گلوبل فنڈ پروگرام کے نمائندے ڈاکٹر بختاورہ اور ڈاکٹر مریم حنان نے کی۔
اس موقع پر ڈاکٹر راحیل احمد ریجنل کوآرڈینیٹر اے سی ڈی اور عمران خان ڈسٹرکٹ افسر اے سی ڈی نے بھی موجود تھے۔ اس کے ساتھ علاقے کے دیگر سینئر ڈاکٹرز اور ہیلتھ کیئر پروفیشنلز نے بھی پروگرام میں شرکت کی۔ اس تقریب نے تپ دق کی روک تھام اور علاج کے اقدامات پر خصوصی توجہ کے ساتھ گزشتہ سال کے دوران بیماریوں پر قابو پانے اور صحت کی دیکھ بھال کی خدمات کی فراہمی میں نمایاں کامیابیوں کو اجاگر کیا۔
مثالی خدمات کے اعتراف میں، پانچ اعلیٰ کارکردگی کا مظاہرہ کرنے والے ڈاکٹروں کو ان کی لگن اور مریضوں کی دیکھ بھال کے عزم پر شیلڈز پیش کی گئیں۔ مزید برآں، ڈاکٹر شعیب (ڈی ایچ او) اور ڈاکٹر صادق (ٹی بی فوکل پرسن) کو بھی ان کی قیادت اور ضلعی صحت کی خدمات کو مستحکم کرنے میں مسلسل تعاون کے لیے اعزاز سے نوازا گیا۔
